Jashne dil

Headline 26.12.09
Jashan manayein par dil sambhal kar.
Postmortem :
Arey vo jashan hi kya,
jisme dil sambhal jaye.....

Sarkari Shikanja

Headline 22.12.09
Transportero par kasega shikanja.
Postmortem :
har subah ke sath
kai shikanje kas jate hai,
magar shaam hote hi
na jane kyun dheeley pad jate hai.....

kishton me bijli

Headline 22.12.09
kishton me bijli connection lijiye.
Postmortem :
Connection kishton me dekar ehsan
nahi karoge...
bijli bhi kishton me hi ati hai.....

Vakil aur police

Headline 22.12.09
Vakil aur police karmi bheedhey.
Postmortem :
arey wah..... kya bhidant hai.....
ek taraf kanoon "ko" bachane wale...
dusri taraf kanoon "se" bachane wale...!!!

Desh ki punji

Headline 15.12.09
Pilao 21 me par piyo 25 me.
Postmortem :
Ye 21-25 ke jhagre me kyun pado,
dil khol ke jiyo, jee bhar ke piyo,
kya rakha is zamane me,
rone aur rulane me,
mauj karo aur ash karo,
udhari se ho ya cash karo,
gar ye vichardhara hai aj ki kunji,
to kya yahi yuva hai desh ki punji...?

Bhrashtachar

Headline 15.12.09
Gar kiya bhrashtachar,
to padoge bimar.
Postmortem :
fir to badi mushkil ho jayegi mere yaar,
babu se saansad tak sab ho gaye bimar,
to kese chalegi sarkar.... ?

Buso ki Killat

Headline 15.12.09
Shaam hote hi buso ki killat.
Postmortem :
Ye kambakth shaam waqt hi esa hai,
kisi na kisi "cheez" ki killat ho hi jati hai,
kisi ko bus ki, to kisi ko ras ki,
kisi ko sharab ki, to kisi ko shabab ki,
killat cheez hi esi hai hazoor,
isi ki vajah se jeb dheeli rehti janab ki......!!!

Atankio ki kaat

Headline 15.12.09
Kuttey banenge atankio ki kaat.
Postmortem :
Arey, yahi to kalyug hai yaar,
bhai hi bhai ko kaat raha hai.......

Ghar ki murgi dal........

Headline 15.12.09
Games ke dauran nahi dikhega kuda.
Postmortem :
Arey bhai izzat ka jo swal hai,
bahar ki to dal bhi murgi,
aur ghar ki murgi bhi dal hai...

Sarkar ki shamat

Headline 15.12.09
Milawat par behas se
bach rahi sarkar.
Postmortem :
Bakrey ki maa,
kab tak kher manayegi,
milawat par bach gai,
to kahin or pakad me ayegi,
muddo ki koi kami nahi,
fitrat hi inki meili hai,
kahin se bhi dhuli nahi,
niyat bhi inki kali hai,
daaman par itne daag lagey,
jo kisi dhulai se na dhuley,
yahi soch pareshan hai yeh,
kab, kse or kis kis se bachey...!!!

Bhartiye pehalwan

Headline 14.12.09
Bhartiye pehalwano ko pakistan visa nahi.
Postmortem :
Arey.... to isme bura kyun maantey ho bhai,
khud ko bachane ka adhikar to sabko hota hai,
aur vo jaantey hai ki bhartiye pehalwan ghar me
ghus kar marengey, to apne aap ko bachane ka
yahi ek rasta tha unke pass ki inko visa hi mat do...

Sabar ka fal

Headline 14.12.09
28 Saal ke baad bhi shuru nahi hua mukadma.
Postmortem :
Arey...to kya hua ? apne desh me reh kar
itna bhi sabar nahi apme, zara dheeraj rakho
bhai, sabar karo, sabar ka fal meetha hota hai....

Dhimi anch ka dhuan

Headline 14.12.09
Lo floor bus se fir utha dhuan, sehme yatri.
Postmortem :
Dhyan se dekho aur socho, ye dhuan bus ka
nahi tha, ye to us anch ka dhuan tha jis par
hamare mantrio ne apni apni rotian seki hai,
agar imandari se ye deal ki hoti to sadko par
utartey hi buso ne apna rang nahi dikhaya hota......

Raftar ka nasha

Headline 14.12.09
Raftar ka nasha bana jaan leva.
Postmortem :
Nasha to hamesha hi jaan leva hota hai,
fir chahey vo raftar ka ho ya sharab ka......

Thand ke intzaar

Headline 14.12.09
Thand ke intzaar me adha hua Dec.
Postmortem :
Iska intzar to amir log karte honge,
kisi garib se puch ke dekho, uske
liye to Dec. ana hi nahi chahiye.....

Maya ki maya

Headline 14.12.09
Maya ne fenka purvanchal ka patta.
Postmortem :
Ye maya mem saheb hai,
zara sambhal kar chaal chalna,
jitne pattey inke hath me hote hai
utne hi inki aasteen me bhi.......

Gaal ka sach

Headline 02.07.09
Mene to sirf gaal ko chua tha : Jaganath
Postmortem :
Arey jaganath ji abhi to shukar manao
ki vo bank manager ek admi tha, aur agar
uski jagah koi aurat manager hoti to kya hota ?

Rail bajat

Headline 02.07.09
Rail bajat : Manviye hoga,
munafa bhi dega !
Postmortem :
Rail mantri mahodya ne sahi
kaha, rail bajat manviye bhi hoga
aur munafa bhi dega, manviye to
ye hoga aam janta ke liye, lekin
munafa to ye mantrio ko hi dega !

Sarkari neeteian

Headline 02.07.09
Ab jaldi band hongi dukane !
Postmortem :
Ji ha, bilkul sahi keh rahe hai aap,
jahan esi sarkari neeteian ho, na bijli
ho, na pani ho, suraksha vyavastha
ka ye hal ho ki admi subah ghar se
nikle aur use pata na ho ki sham ko
ghar wapis pahunch payega ya nahi,
aur jo kasar reh jaye vo tod fod karne
wale puri kar de to dukane to kya sab
kuch hi jaldi band ho jayega !

Samlengikta

Headlne 28.06.09
Ab apradh nahi rahegi smlengikta !
Postmortem :
Mubarak ho, shukar manaiye,
badti abadi ko rokne ka is se acha
sujhav nahi ho sakta tha !

Bhagwan bharose

Headline 28.06.09
Rajdhani me bijli-pani
ab bhagwan bharose !
Postmortem :
kya kha, sirf bijli-pani ?
to aap kya samajhte hai
hindustan ki hakumat
kiske bharose chal rahi hai ?

Janta kahan mrey

Headline 24.06.09
Rakshak bne Bhakshak :
Postmortem :
Jab rakshak bne bhakshak, sarkar ho bekar,
afsar khaye ghoos, aur neta ho manhoos,
to janta kahan mrey..........
Jab mehngai ki ho maar, mcha ho ha-hakaar,
padhe likho ke sar pe, jab anpadh ho swar,
to janta kahan mrey..........
Na bijli hai na pani, kehlati fir bhi rajdhani,
neta karein manmani, mano desh bechne ki ho thani,
to janta kahan mrey..........
Daal me kankar, dudh me zehar, dva bhi ho zehrili,
lagta hai jese baimani inhe, virasat me ho mili,
to janta kahan mrey..........
Police bajaye lathian, aur chor machaye shore,
bharashtachar ke agey, jab chale na koi zor,
to janta kahan mrey..........
Aaj dharam ke naam par, pakhandi bne avtar,
na mandiro ki chinta, na bhakto se sarokar,
to janta kahan mrey..........

Gadho ko shiksha

Headline 17.06.09
Manmohan ne li Zardari ki class !
Postmortem :
Manmohan ji itni umar ho gai,
abhi tak itna nahi samajh apye
gadho ki jitni bhi class lelo, jitna
bhi unko padha lo, rehtey to vo
gadhey hi hai, insan nahi ban saktey !

Bipasha aur Malika

Headline 17.06.09
Bipasha ke liye naachey,
malika ke liye gaya !
Postmortem :
Arey bhai Bipasha aur Malika
ke liye to log na jane kya kuch
kar jate hai, tum zara sa naach
gana kar ke hi itra rahe ho !

Mandi ki kamai

Headline 17.06.09
America se lautey 4 chatr
swine flu ki chapet me.
Postmortem :
Kyun bhai is mandi ke daur
me aur kuch nahi mila to yahi
swine flu hi le aye !