Dil ki kher

Headline 30.09.07
30 Minute roz karo ser, tabhi rahegi dil ki kher
Postmortem :
Aur agar kahin ser ke dauran dil lag gaya to ?
(Publshed on 01.10.07)

Dil da mamla

Headline 30.09.07
Dil ki khatir fast food se na lagaye dil.
Postmortem :
Arey yaar, abhi itne bhi din burey nahi aye
ki fast food se dil laga kar kaam chalana pade.
(Published on 01.10.07)

Bhari A.P.Singh

Headline 30.09.07
CBI par bhari padh rahe A.P.Singh
Postmortem :
Bhai inki sehat aur karnamo ko dekhte hue
to saaf zahir hai ki yeh kisi par bhi bhari
padh sakte hai.

Sabhyeta ka dayra

Headline 29.09.07
Australia ko maidan me dekh lenge : Dhoni
Postmortem :
Beta dekhna zaroor,
lekin apni sabhyeta ka khyal rakh kar.
(Published on 30.09.07)

Pati aur Patni

Headline 29.09.07
Pati hi sudhar sakta hai patni ka swasthye.
Postmortem :
Ba-sharatey ki patni usko is kabil chodey sahi.

Smarthak ki jeb kati

Headline 29.09.07
Makan ke ghar smarthak ki jeb kati.
Postmortem :
Ab mantri se milne jayoge to itni
keemat to chukani hi padegi.
(Published on 30.09.07)

Rahul ki raah.

Headline 29.09.07
Sarkar chali Rahul ki raah.
Postmortem :
Agar khud me kabliyat na ho to
kisi ke peeche chalne me koi burai
nahi hoti

Sapno ke Bharat

Headline 29.09.07
Bhagat singh ke sapno ka Bharat banaye yuva.
Postmortem :
Kyun ki hamare netao ne to us
' sapno ke Bharat ' ko hi sapna bana diya.
(Published on 30.09.07)

Rajdhani cool

Headline 29.09.07
Tez havao v barish se rajdhani cool.
Postmortem :
Barish se rajdhani to cool ho gai
lekin pyaz me to aag lag gai.

Hafte ka time-table

Headline 28.09.07
Apradho aur hadso ka din raha guruvar.
Postmortem :
Aur hafte ke baki 6 din
bahut shanti rehti hai kya ?

Janta ka bharosa

Headline 28.09.07
Sarkari doctoro ko bharosa nahi
apne aspatalo par.
Postmortem :
Janta ko to sarkari doctoro par
hi bharosa nahi hai.

Rishte josh - hosh ke

Headline 28.09.07
Devgauda ne BJP ko dikhaya thenga,
khatre me gathbandhan sarkar.
Postmortem :
Josh me jo rishte judte hai hoshe me
vahi rishte thenga dikha ke tudte hai
(Published on 29.09.07)

Bhartiye sabhyeta

Headline 28.09.07
Ponting bole, savdhan dhoni
hum akraman karenge.
Postmortem :
Yeh to hamari sabhyeta hai ki
hum apne mehmano ki izat karte hai
verna..................
(Published on 29.09.07)

Maya ki maya

Headline 28.09.07
Mulayam ke chaheto par kas raha shikanja.
Postmortem :
Maya ki maya to bas maya hi jane
is rajniti ke rang kisne pehchane.

Basayo aur chalao

Headline 28.09.07
Dlf layegi khud ki Metro.
Postmortem :
Ghar bana ke pehle basaya,
ab gaadi chala ke chalta karoge kya ?
(Published on 29.09.07)

Sharab ke jhatke

Headline 27.09.07
Sharab samabhandi prastav ko karara jhatka.
Postmortem :
Yahan to 2 peg me hi
jhatke shuru ho jate hai,
vahan to puri sharab hai.

Cricketro me hai dum

Headline 27.09.07
Chotey shehro ke cricketro me hai dum : Dhoni
Postmortem :
Aur bade shehro ke cricketro ko
fursat hai kam, Camera se.

Team India tujhe salam.

Headline 27.09.07
Akhi mumbai ne kaha sitaro salam.
Postmortem :
Asmaan ke sitaro ne zameen ke
sitaro ko jo kiya salam, puri fiza me gunj utha
Team India tujhe salam.

Mehngai bum

Headline 27.09.07
Mehngai bum fodega VAM
Postmortem :
Na jaane kitno ne kitne bum fode
fir bhi yeh besharam neta
khade rehte hai hath jode.

Dakhile ki umar

Headline 27.09.07
Nursery me dakhiley ki umar tay.
Postmortem :
Wah kya baat hai is raajniti ki,
dakhile ki umar tey karte hai
lekin retire hone se darte hai.

Pichado ko akarshan

Headline 26.09.07
Pichado ko akarshan dene ka faisa uchit.
Postmortem :
Lekin kitne pichdo ko uchit akarshan
mil payega zara yeh bhi kabile gaur hai.

Mobile ki shakal

Headline 26.09.07
Ab mobile ki shakal me computer liye ghoomiye.
Postmortem :
Khud insaan bhi to na jane
kaun kaun se chehre liye ghoomta hai.

Mithas me kadvadhat

Headline 26.09.07
Ganna milo ko milenge 3500 crore rupey.
Postmortem :
Pehle mithas kam thi jo aur bhar di
zyada mithas bhi kadvadhat me badal jati hai.

Waqt aur Halaat

Headline 26.09.07
Kahin noto ki barsaat, to kahin pet pe laat.
Postmortem :
Ise kehte hai ' Waqt aur Halaat '
jo yeh de sath to ban jaye baat
mooh jo yeh le mod, insaan ko de tod.

Metro ka zamana

Headline 26.09.07
Metro me jana to bhaiya paan na khaana.
Postmortem :
Aur paan jo khaana to bhaiya metro me na jaana
verna lagega jurmana, padh sakta hai jail bhi jana.
(Published on 27.09.07)

Dhan-prem ki versha

Headline 26.09.07
Dhurandhro par dhan aur prem versha.
Postmortem :
Is versha ko paane ke liye deni padi hai
inhe 20-20 ki agni pariksha.
(Published on 27.09.07)

Bhari aur halka

Headline 25.09.07
Delhi police ko bhari padh sakte
hai jhoothe daave.
Postmortem :
Arey inka kya hai, yeh to kisi bhi
halke ko bhari aur bhari ko halka
karna jaante hai.

Jhoome naujavan

Headline 25.09.07
Rahul ko kamaan, jhoome naujavan.
Postmortem :
Jhoomo zaroor, par rehna hosh me,
josh me hosh mat kho bethna hazooR.
(Published on 26.09.07)

Shabash India

Headline 25.09.07
Delhi boli - shabash Hindustan.
Postmortem :
Aur sara Hindustan bola -
Shabash India, chak de India.
(Published on 26.09.07)

Yuvaao ka parcham.

Headline 25.09.07
Rajniti me bhi yuvaao ka parcham.
Postmortem :
Bhaiya, yuva to kahin bhi parcham
lehra sakte hai, bas mauka milna chahiye.

Metro ki kamai

Headline 24.09.07
Metro ne ki 15 fesadi ki adhik kamai.
Postmortem :
Ab zyada shor mat machao, aisa na ho
kahin apni hi nazar lag jaye

Mausam aur mijaz

Headline 24.09.07
Mausam kabhi sakth to kabhi naram
raatb thandi aur din garam.
Postmortem :
Mausam aur mijaz ki yahi hai samanta
kab badal jaye yeh koi nahi jaant
(Published on 25.09.07)

kisme kitna hai dum

Headline 24.09.07
Aao phir dekhe , kisme kitna hai dum
Postmortem :
Kyun jo abhi tak dekha
usme tasali nahi hui kya ?

Gandhi ko goli

Headline 24.09.07
Junge azadi ke is sipahi par yeh sitam
Postmortem :
Jahan gandhi ko goli lag sakti hai
vahan yeh sitam kya mayne rakhta hai.

khel ka khel

Headline 24.09.07
Udhar match ki tayari, idhar satte ki bari
Postmortem :
Vahan voh khel chala, yahan yeh khel chala
dono ka khel badastur chala.

Nigam ki harkat

Headline 23.09.07
Chaupal me mile Sujhav se nigam harkat me.
Postmortem :
Kamaal hai na lifafa, na thaila, na bag
na ataichi, sirf sujav se hi harkat me ?
(Published on 24.09.07)

Media ka system

Headline 23.09.07
Media khud apna system banaye.
Postmortem :
Dusro ka system banatey hue apna
system bigar liya kya?

Yuvraj ke chhakke

Headline 23.09.07
Yuvraj ne chudaye kangaruo ke chhakke.
Postmortem :
Chhakko kr maharaj ne chhakko ke
chhakke chuda ke chhakka diya.

Pani ki kahani

Headline 23.09.07
March 2009 ke baad nahi mangane
padenge pani ke tanker.
Postmortem :
Agar aise hi halat rahe to bin pani ke hi
doob marenge yeh

Ghar me ghamasan

Headline 23.09.07
Ghar me ghamasan par Karat ne dala parda.
Postmortem :
Aise parde ka bhi kya fayeda
jo sab be-parda ho jaye.

Bagpat ko naya roop

Headline 23.09.07
Bagpat ko naya roop deta MHG group
Postmortem :
Kyun bhai baki UP ne kya gunah kiya hai ?

Ektarfa prem

Headline 22.09.07
Ektarfa prem me yuvak ne yuvti ko jalaya.
Postmortem :
Abey nalayak, tujhe aur koi rasta
nahi mila, jo aise apna prem darshaya.

Crorepati ka safar

Headline 22.09.07
Baap crorepati aur beta vahan chor.
Postmortem :
Lagta hai bete ko shayad yahi rasta
mila crorepati ban ne ka

Safedo kale karname

Headline 22.09.07
Delhi me car par kali film ko hari jhandi.
Postmortem :
Taki safedposh logo ke kale karnaame
koi dekh na sake ?
Published on 23.09.07)

Nishane par hungama

Headline 22.09.07
Maarpit ko le kar nigam me hungama.
Postmortem :
Theek to hai bhai, jinke jute aur
chappal nishane par nahi lage
vo hungama to karenge hi na.

Manzil ki duri

Headline 22.09.07
Mehaj do kadam dur hai manzil.
Postmortem :
1 : Aur zara si chuk ho jaye to
yahi do kadam do sadio me
bhi tey nahi ho pate.
2 : Manzil jab tak hath na lage
tab tak dur hi samajhna,
kadmo ki ginti me na rehna.

Matlabi yaar

Headline 21.09.07
America ne ki Bharat ki pairavi
Postmortem :
Zara bach ke bhaiya, bina matlab ke to
yeh apne baap ki pairvi bhi na kare
(Published on 22.09.07)

Siyasat ka khel

Headline 21.09.07
Siyasat ka tarkash, byano ke teer.
Postmortem :
Chalayenge yeh janta par, aur daaman
denge cheer.
(Published on 22.09.07)

Majnuo ko chetavani

Headline 21.09.07
Chatraye ched chad ke liye ar-par ke mood me.
Postmortem :
Majnuo sambhal jayo, ab se yeh rakhi le kar
chala karengi sath me.

Chakko ka jalva

Headline 21.09.07
Yuvraj ke bgair nahi dikha Bharat ka jalva.
Postmortem :
' Chakko ' ke bina jalva dikhta bhi kahan hai
yeh cricket cheez hi aisi hai

Seva aur Meva

Headline 21.09.07
School aur aspatal me sevaye do, maaf hoga karz.
Postmortem :
Pehle karz to do, phir sevaye bhi le lena.

Maal hai to taal hai

Headline 21.09.07
Maal ho na ho par taal hai hamare jivan me.
Postmortem :
Logo ke maal ko bhi apna samjhoge to
jivan me taal to hoga hi na.

Gudia ke naam-1

Gudia ke naam bauji ka pegam :
Ek thi gudia ek they bauji, dono me khub banti thi,
dekh ke dono ka pyar yeh dunia, na jaane kyun jalti thi,
ik din boli gudia, ao bauji zara ghoom ke aye,
pankh laga kalpanao ke, chand sitaro ko chhu kar aye,
bauji bole gudia se tu apne chand sitare chhu,
me to tujhko dekhunga, mera chand bhi tu, mera sitara bhi tu.
---------------------------------------------------------------------------
Zindgi teri roshan rahe, andhero ka tujhe pata na ho,
raho me teri phool kanto ka tujhe pata na ho
mile behisab khushia tujhe gamo ka tujhe pata na ho
pade jahan bhi kadam tera vahan janat hi janat ho
vahan janat hi janat ho...

Karmo ki kheti

Headline 20.09.07
Bimar baap ko marne chod diya.
Postmortem :
Jo boyega vohi katega,
tere in karmo ko koi na baantega.
(Published on 21.09.07)

'chakko' ke maharaj

Headline 20.09.07
Yuvraj bane sixer maharaj.
Postmortem :
Arey bhai 'chakko' ke hi maharaj
ban na tha kya, aur koi nahi mila ?

Ghotalo ke shehar

Headline 20.09.07
Township basane ke naam par croro ka farzivada.
Postmortem :
Kabhi bhumi ghotale aur kabhi ghotalo ke shehar
ey bandey tu kaise jhel payega uska kehar.

Ganpati ki puja

Headline 20.09.07
Ganpati ki khub puja ki, bijli jalai chori ki
Postmortem :
Kya ho gya insaan ko, chori ke maal se
khush karta hai bhagwan ko.

Hazme ka bigarna

Headline 19.09.07
Dinner me tiger, breakfast me kangaroo
Postmortem :
Aur lunch India ke sath kar ke dekho
hazma na bigar jaye to kehna.

Ram naam ki loot

Headline 19.09.07
Ram naam ki loot me budhi gai kahin chut.
Postmortem :
Loot kaisi bhui ho, mamla agar loot ka ho to
log aksar budhi ghar par hi chod ate hai.

Bhartiyo ka sir dard

Headline 19.09.07
Bharat ke liye sabse bada sirdard gendbazi.
Postmortem :
Beta gendbazi ko sirdard samajhne ki
bhool kar bethe, to ballebazi kamar tod degi.
(Published on 20.09.07)

Anadhikrit colonia

Headline 19.09.07
Anadhikrit colonio ke liye tijori khuli.
Postmortem :
Khuli tijori colonio ke liye to kam,
inke liye zyada kaam ayengi.
(Published on 20.09.07)

Maya ka darbar

Headline 19.09.07
Maya se bachne ki ek jagah hai.....Jail
Postmortem :
Aur jail se bachne ki bhi ek jagah hai.....
' Maya ka darbar '

Mantrio ki azadi

Headline 18.09.07
6 Lakh kiraya, par mantrio ko nahi
bhata jharkhand bhawan
Postmortem :
Bhaye bhi kaise, bhawan me mantrio
ko vo azadi kahan, jo 5 star hotlo me hai.

Karmo ka phal

Headline 18.09.07
Setu se nikle nahi, gyehu me atke.
Postmortem :
Kamaal hai ek se nikalte nahi aur dusre
me aur atak jate hai, na jaane kaise karam
yeh karte hai ?

Kursi ke liye

Headline 18.09.07
Kursi ke liye sari hade laang gaye musharaf
Postmortem :
Aur jis din janta apni hade laang gai ,
to us din kursi to kya khud ko bhi dhoondte
reh jayoge general saheb.
(Published on 19.09.07)

Dulhan aur sasural

Headline 18.09.07
Ghar ka tala taud sasural me ghusi dulhan.
Postmortem :
Sambhalke dulahania, kahin tala todne ke
jurm me dusre sasural hi na pahunch jana.

Kisano ki manodasha

Headline 17.09.07
Sarkar ko nahi builder ko zamin
bechna chahte hai kisan.
Postmortem :
Kyun ki kisan ache se jaante hai ki
Sarkar ko bechne ke baad sivaye
ashvasano ke aur kuch nahi milega.

Ram setu par hungama

Headline 17.09.07
Ram setu par Congress me hungama kyun hai barpa.
Postmortem :
Lagta hai bhav sagar se kaun pehle paar jayega
is baat ko lekar ke hungama hua hoga.

Swal setu

Headline 17.09.07
Setu par swal hi swal.
Postmortem :
Itne swalo ko dekhte hue to lagta hai
is ka naam badal ke 'swal setu' rakh dena chahiya.

Kursi ka moh

Headline 17.09.07
Musharaf ne kar li kursi pakki.
Postmortem :
Yeh sansar hai murakh balak yahan
to kuch bhi pakka nahi hai, kyun vyarth
ke moh maya me padte ho.

Rajdhani ka khooni khel

Headline 17.09.07
Rajdhani me chala khooni khel.
Postmortem :
Arey bhai kya is khel ko bhi rashtriya
khelo me shamil karne ka irada hai kya ?
Itna jam kar practice jo kar rahe ho.

Delhi dil walo ki

Headline 17.09.07
Delhi kidnaping capital.
Postmortem :
Kidnaping capital kaho ya
Delhi dil walo ki kaho, baat to
ek hi hai, jis pe bhi dil aye use uthalo.

60 ki savdhania

Headline 16.09.07
Savdhan kamzor dil walo
ke liye nahi hai 20-20
Postmortem :
Theek kehte ho bhaiya,
60 ke baad 20-20 ka kya kaam

Halaf naame ka safar

Headline 16.09.07
Halaf naame ka safar :
kab, kahan, kya gadbad hui.
Postmortem :
Jab, jahan, jo gadbad hui, usey sudhar
lo to shayad sare desh ka bhla ho jaye.
(Published on 17.09.07)

Samay seema

Headline 16.09.07
Ab samay seema ka altimatem dega VAM.
Postmortem :
Seema samay ki ho ya maryadao ki
yeh usme rahe hi kab.....

Ganpati bappa mauriya

Headline 16.09.07
Ganpati bappa mauriya ki dhoom.
Postmortem :
Lekar ganpati ke naam, to bhakti ras me jhoom.

Kashmir me janmat

Headline 16.09.07
Kashmir me janmat sangreh ho : Mushraf
Postmortem :
General saheb, pehle apne yahan to
janmat le ke dekh lo ke ap kahan
khade hai, kashmir ki baad me sochna.

Grahak duvidha me

Headline 16.09.07
Videshi sharab ke brando ke daam
ko lekar grahak duvidha me.
Postmortem :
Arey duvidha to peene se pehle hoti hogi
peene ke baad kaisi duvidha.

Sakth kadam

Headline 15.09.07
Agar nahi uthaya gaya sakht kadam,
har niyam ka niklega dum.
Postmortem :
Aur agar kahin utha liya inhone
sakth kadam, to inka nikal jayega
dum.
(Published on 16.09.07)

'kal kare so aj kar'

Headline 15.09.07
Shuru me hi ladhkhadai Bhartiya paari.
Postmortem :
Arey bhai yeh to 'kal kare so aj kar'
wali dhun par hi thirakna jaante hai.
(Published on 16.09.07)

Niti par takrav

Headline 15.09.07
Sharab niti par takraye Walia aur Mukhi.
Postmortem :
Niti par takrav peene se pehle hua ya
peene ke baad ?
kripya spasht kare.....

Schooli shiksha

Headline 15.09.07
Schooli shiksha bhi ho sakti hai mehngi.
Postmortem :
Aur ap se umeed bhi kya ho sakti hai
khud pade nahi auro ko padne dena nahi.

bhumi ki nilami.

Headline 15.09.07
Aspatal v school ke liye ab nahi
hogi bhumi ki nilami.
Postmortem :
Nilami to tab hogi na jab yeh
.koi bhumi chodenge

Sealing par lagam

Headline 14.09.07
Sealing par lagam ke liye adhyadesh manzoor.
Postmortem :
Lekin lagoo kab hoga hazoor ?
aur lagoo ho jaye to amal me bhi lana zaroor.
(Published on 15.09.07)

DDA ka naya plan

Headline 14.09.07
Naya plan : DDA ka plot, builder ka makan
Postmortem :
Police ka hissa, mantri ki dukan
ap kyun hote hai pareshan.
(Publishedv on 15.09.07)

'Sasta' shabd ka istmal

Headline 14.09.07
Uch shiksha hogi mehngi.
Postmortem :
Areyn kabhi 'sasta' shabd ka bhi istmal
kar liya karo bhai, kahin aisa naho ki log
yeh shabd bhool hi jaye aur ise dictionary
se hi nikal bahar karna pade.

Kaamchoro ki shamat

Headline 14.09.07
Kaamchoro ke khilaf hogi karvai.
Postmortem :
Ab sarkari babuo ka kya hoga bhai ?
unki to shamat ai.

Janta ka maal

Headline 13.09.07
Police comissioner ke furniture ki hogi kurki.
Postmortem :
Janta ka maal pahuncha
janta ke beech phir gum kahe ka.
(Published on 14.09.07)

Bina driver ke rail

Headline 13.09.07
Sarkar bhle hi gir jaye, chalti rahe sansad.
Postmortem :
Bina driver ke rail bhi apke hi
karyekaal me chali thi na ?

Sealing par bill

Headline 13.09.07
Sealing par bill ki sambhavana aj.
Postmortem :
Jab tak bill pe amal ka waqt ayega
tab tak to sab kuch seal ho chuka hoga.

Hey Ram aisa jaam

Headline 13.09.07
Hey Ram aisa jaam !
Postmortem :
Jaam me phanse sriman,
to yaad aa gaye ram,
verna to fursat nahi ke
le-le Ram ka naam.

Hadso ka daur

Headline 13.09.07
Hadso ka daur jari, teen ko leela
Postmortem :
Sarkar ke kaan par phir bhi ju na
renge, tu jitna bhi chila.

Sharafat ka asar

Headline 12.09.07
Apman aur bebasi ki kahani
ban kar reh gai Sharif ki vapsi.
Postmortem :
Zaroorat se zyada sharafat ka
yahi hashar hota hai janab.
(Published on 13.09.07)

Mayavati ki taakat

Headline 12.09.07
Mayavati ki taakat par hai Americi nazar.
Postmortem :
Arey bhai nazar beshaq rakho,
lekin nazar lagana mat behan ji ko.

Walia ka farman

Headline 12.09.07
Walia ka farman, ab adhe ghante bijli
katna bhi nahi hoga asaan.
Postmortem :
Apne kya socha sriman, vo apse
puch ke karenge apna kaam.
(Published on 13.09.07)

Hay ri janta

Headline 12.09.07
Sealing par fir samne honge Nigam-Samiti.
Postmortem :
Yeh samne ho ya peeche, pisegi to janta hi.

Police ka sach

Headline 12.09.07
Police soti rahi, barbarta hoti rahi.
Postmortem :
Acha hua jo police soti rahi,
jagi hoti to shayad barbarta bad jati.

Samay ka upyog

Headline 11.09.07
Dakia layega bill, Machine vasulegi paisa.
Postmortem :
Taki baki log apna pura samay aur dimag
ghotalo ki taraf laga sake ?

Bakre ki maa....

Headline 11.09.07
Sangh ke kop se bach gaye BJP surma.
Postmortem :
Bakre ki maa kab tak kher manayegi.

System ka karnama.

Headline 11.09.07
Akhirkar tihar se bahar ai Uma.
Postmortem :
Yeh to system ko hai batana
andar jana aur bahar ana, yeh
kuch sarfiro ka hai karnama.

Cricket ki dunia

Headline 11.09.07
Aj se badle gi cricket ki dunia.
Postmortem :
Kyun harne wale ko dobara
khelne ka mauka doge kya ?
(Published on 12.09.07)

Adat ghotale ki

Headline 11.09.07
Parko ki booking me ghotala.
Postmortem :
Ghotala karne wale kare nahi aur
padne wale pade nahi, to lagta hai inka
hazma bigar jata hai.

Adat se majboor.

Headline 11.09.07
Charcha nahi hangama pasand hai saansad.
Postmortem :
Ab kya kare inke carier ki shuruyat to
rallyio se hoti hai, aur shayad vohi adat
sansad tak jati hai.
(Published on 12.09.07)

Vasooli ka tarika

Headline 10.09.07
BSES adhikari ban karvasooli
karne wale dhare gaye.
Postmortem :
Vasooli to adhikari ban kar hi
ho sakti hai, aam admi ko to koi
bheek bhi nahi dega.

Manchalo ki shamat

Headline 10.09.07
Manchalo ki shamat, traino me virangna
Postmortem :
Arey bhai kis tarah ki shamat
viranganao ke hath me dande diye
ya rakhia.

Janta ki meharbani

Headline 10.09.07
Metro ke bede me 15 nai gadia judengi
Postmortem :
Aur nai gadia nai hi rahe,
iske liye janta ki meharbani
bhi to zaroori hai.

Havai ghode par swar

Headline 10.09.07
Pustak mele ka akhri din,
per thak gaye par man nahi.
Postmortem :
Mann to havai ghode par swar rehta hai
per bechare per kab tak sath denge.

Dharam sankat

Headline 10.09.07
Rasad ghotala janch me sehyog ko raji sena.
Postmortem :
Agar kahin apne hi shamil paye gaye
to dharam sankat me pad jayenge ap.

Kapde bane musibat.

Headline 09.09.07
Kapde bane musibat.
Postmortem :
Acha, to ab samajh aya ki
hamari heroins hamesha
musibato se bhagti kye hai
(Published on 10.09.07)

Miya-Bibi ko saza

Headline 09.09.07
Miya-Bivi ko din bhar
court me khade rehne ki saza.
Postmortem :
Judge saheb, kam se kam yahan to chod dete
ghar me to yah dono ek dusre ko ek taang par
khada rakhte hi hai.

Pani ki dhonse

Headline 09.09.07
.....Tab ve Delhi ka pani band kar denge.
Postmortem :
Arey kar do band yaar kahe ki dhonse dete ho
humne to pani milana kab se band kar rakha hai.

Vibhago me ferbadal.

Headline 09.09.07
Mantrio ke vibhago me hua ferbadal.
Postmortem :
Apne apne vibhago me jam kar
khaya, ab auro ko bhi to mauka do bhaya.

V.P. ka zikar

Headline 08.09.07
Vo baat jiska sare fasane
me zikar nahi : V.P.Singh
Postmortem :
Ap koi bhi zikar na hi kare to acha hai,
Mandal Commision ka zikar bhi apne
hi kiya tha na... Kya hua tha, yaad hai ?

Balla aur sorry

Headline 08.09.07
Pehle balla mara phir bolle 'Sorry'
Postmortem :
Arey theek to kiya,
ap kya chahte hai ki pehle
sorry bolte phir balla marte.
(Published on 09.09.07)

Sone ke bhav.

Headline 08.09.07
Sona 100 avam chandi 300 rupay chamki.
Postmortem :
Lekin yeh bhav dekh kar
chehre ki chamak pad gai halki.

Laden ki yaade.

Headline 08.09.07
Phir 9/11 ke hadse ki yaad
dilayega Bin Laden.
Postmortem :
Itni zehmat kyun uthate hai
Laden saheb, apka to naam hi
kafi hai 9/11 ko yaad karne ke liye.

DUSU ki voting

Headline 08.09.07
DUSU ke liye 25 fisadi vote.
Postmortem :
Ap chinta na kare, baki ke vote
khud pratyashi daal lenge.

Benazir ki khawaish

Headline 08.09.07
General Mushraf ne hath na milaya
to jan vidroh tay : Benazir
Postmortem :
Ap bilkul dil chota na kare,
agar general saheb nahi bhi manenge
to hum hai na...
(Published on 09.09.07)

Mubarak ya dua

Headline 08.09.07
Chauthi baar dulha bane Ben Kingsley.
Postmortem :
Mubarak to pehli dafa hi di jati hai
chauthi dafa to dua hi di jayegi.

Shayari :07.09.07

1 : Humdum ke liye, "Hum dum" se gaye
Humdum ki kasam "hum dum" na mila.
MarHum ke liya, "mar hum" bhi gaye
Mar hum ki kasam, Mar hum na mila.
-----------------------------------------------
2 : Gar barsaat ka maza chaho to in nazro
me bas jayo, Vo barso me baraste hai,
yeh barso se barasti hai.
------------------------------------------------
3 : Khuda kisi ko kisi pe fida na kare,
gar kare to quamat talak juda na kare,
Yeh mana ki log marte nahi judai me,
magar jee bhi nahi pate tanhai me.

Netao ka raas

Headline 07.09.07
Netao ko raas nahi aya DDA plan.
Postmortem :
Arey yaar , inka hissa pati rakha hota
tab to shayed inhe raas aa bhi jata,

Bhagwan ke dwar

Headline 07.09.07
Bhagwan ki sharan me NSUI pratyashi.
Postmortem :
Theek hai, jab agey peeche kuch nazar na aye
to uski sharan me hi jana chahiye.

khuli ankh se kajal

Headline 07.09.07
Ankh band, trolly gayeb.
Postmortem :
Arey bhai yahan to khuli ankh se kajal
chura lene wale bethe, phir yeh kya cheez hai.

Naye thikane

Headline 07.09.07
6 Naye parivahan karalaye jald.
Postmortem :
Theek hi to hai bhai, ab purane karalayeo
me to bharashta char ki sari hade par ho chuki,
ab nayo ki baari hai.

Mardani mahilaye

Headline 07.09.07
Showroom me hath saaf karne
wali 3 mahilaye giraftar.
Postmortem :
Mubarak ho, mardo ke sath
kandhe se kahanda mila kar chalne
ka yeh bhi ek acha prayas hai.

Kismat ka dhani.

Headline 07.09.07
Retirement ka vichar abhi
mere dimag me nahi : Sachin
Postmortem :
Kismat achi thi munna, halaat bante bante
reh gaye. Verna kasar to koi baki nahi bachi thi.

Haar aur jeet

Headline 06.09.07
D.U.S.U. Prachar aj khatam chunav kal.
Postmortem :
Harne wal royenge aur jeetne wale
mauj karenge har pal.

Nayaye zaroor milega

Headline 06.09.07
20 saal baad bhi nahi mil saka nyaye.
Postmortem :
Arey kamaal hai, ap 20 saalo me hi himat haar gaye
sabar karo, haunsala rakho nyaye zaroor milega.
(Published on 07.09.07)

Tu chal me aya

Headline 06.09.07
Pehle sargana bhaga ab gurg.
Postmortem :
Wah, guru aue chele ka kya rishta nibhaya,
chela bola guru se, tu chal me aya.

Globle warming

Headline 06.09.07
Mausam ki yah kaisi maar garmi
bad rahi hai lagatar.
Postmortem :
Yeh hai globle warming ka asar,
sambhal jao verna pachtayoge ro ro kar.

Adhunik Bharat

Headline 06.09.07
Adhunik Bharat ki katha sun na
chahta hai pura vishwa.
Postmortem :
Nithari ya Tandoor kand,
Jesika hatya kand ya Zameen ghotale
kaun si kathaye sun na chahta hai yeh vishwa.
(Published on 07.09.07)

Vikas ki ganga express

Headline 06.09.07
UP me vikas ki ganga express.
Postmortem :
Aur yeh rukegi bhi chand
gine chund stationo par.......

Tod fod me Delhi

Headline 06.09.07
Tod fod ke virodh me jamkar tod fod.
Postmortem :
Arey yaar abhi us din to bataya tha ki
tod fod ke mamle me Delhi to vaise bhi
sabse agey hai.

Aishwarya divas

Headline 06.09.07
Bhartiya khelo ka 'Aishwarya divas'
Postmortem :
Jeetne pe 'Aishwarya divas' aur
harne pe 'Aish rahit' divas, yani
ash to har waqt rehti hai dimag me.
(Published on 07.09.07)

Punjab Police.

Headline 05.09.07
Khas logo ki suraksha me
kangal hui Punjab Police.
Postmortem :
Aur aam logo ki vajah se phir maalamal
ho jayegi Punjab Police.
(Published on 06.09.07)

Sarkari aspatalo me kaam

Headline 05.09.07
Safdarjung aspatal me kaamkaj thap.
Postmortem :
Yeh to roz ki hi baat hai, khabar to tab
hoti, jab sarkari aspatalo me kaam ho.

Insaan aur Janwar

Headline 05.09.07
Lekin kabutar hai ki maante nahi.
Postmortem :
Yahan to ache khase pade likhe insaan
nahi maante, vo to phir bechare janwar hai.

Yojnao ki barsat

Headline 05.09.07
Rashtra mandal khelo ke liye
yojnao ki barsat.
Postmortem :
Yojnao ki barsat hogi
janta ke liye, lekin adhikario
ke liye hogi dhan ki barsat.

Heavy wait ghotala

Headline 05.09.07
MCD me heavy wait ghotala.
Postmortem :
Yeh Delhi hai dil walo ki yahan
chotey aur halke kaamo ka kya kaam.

Thekedaro ki thekadari

Headline 05.09.07
Thekedaro ki pairvi na kare
mantri aur vidhayak : Court
Postmortem :
Pairvi kaise na kare, inhe
mantri aur vidhayak banane ka
theka bhi to inho ne liya tha.

Subah ka samay

Headline 05.09.07
Adha ghanta jaldi subah ho
jaye to kya bura hai.
Postmortem :
Kisi sarkari karamchari se puch
ke dekho, vo kahega ek ghanta der
se subah ho jaye to kya bura hai.

Atankvaad ka nash

Headline 05.09.07
Rawalpindi me atamghati hamle.
Postmortem :
Delhi Mumbai ho ya ho Rawalpindi Lahore
atankvaad ko jad se mitane me laga do pura zor.

jeeto India jeeto.

Headline 04.09.07
Shetty ne kaha - jeeto India jeeto.
Postmortem :
Arey Shetty saheb, yeh koi filmi set nahi hai,
jahan ap re-take se kaam chala le, yahan to ek baar
jo baal hath se chuti to samjho gai.....
(Published on 05.09.07)

Samasya ke hal

Headline 04.09.07
Samasya ke hal me Bharat se umeed : Rajpakshe
Postmortem :
Pehle apni samasyen to suljha lo janab.....

loktantra ki bhali

Headline 04.09.07
Pura loktantra bhal karna zaroori : Bharat
Postmortem :
Loktantra to pura hi bhal kiya ja raha hai,
isi liye to sabko jail bheja ja raha hai.
(Published on 05.09.07)

high alert.

Headline 04.09.07
Janamashatmi par desh bhar me hi-alert.
Postmortem :
Sahi me kisi ne sach hi kaha hai,
ki waqt badal gaya hai bahut,
Krishan ji ke janam ke waqt sab soye hue
they, aur ab inke janam ke waqt sare desh me
hi-alert ho chuka hai.
(Published on 05.09.07)

Chunav ka rang

Headline 04.09.07
Is baar DUSU chunav ka rang hai fika.
Postmortem :
Koi baat nahi, do-char 'body paint'
ki hui models chunav me utar do
phir dekho kaise rang nikharta hai.

Schoolo me apat gate

Headline 04.09.07
Schoolo me apat gate banane ki maang.
Postmortem :
Kitna khyal rakhte hai bacho ka,
hamare waqt pe to ek hi gate hota tha,
so bhagne ka bhi mauka nahi milta tha.

Surat ya seerat

Headline 04.09.07
DTC ka kaya kalp jald.
Postmortem :
Surat ke badle agar
seerat badalne par dhyan
de to zyada behtar hoga.

Munna ko nazar

Headline 04.09.07
Matha tekne gaye munna bhai ,
gale pada naya vivad.
Postmortem :
Koi to mere munna ki nazar utaro,
yahan se bachta hai to vahan girta hai yaro.

Matki fod abhiyan

Headline 04.09.07
Delhi me bhi matki fodne ki hod.
Postmortem :
Fodne-todne ke kaamo me to
Delhi hamesha hi agey rahi hai.
(Published on 05.09.07)

Mantri ko dhons

Headline 04.09.07
Swasthya mantri ji,
ap sign karte hai ya nahi...
Postmortem :
Koi baat nahi sir,
jab mood ho tab sign kar dena,
koi jaldi nahi hai.

Shayari :03.09.07

1 : Teri is berukhi ko me samajh na paya.,
jaan yeh mukadar hai apna apna,
kisne kya khoya kya paya ?
-----------------------------------------
2 : Yeh mausam ki meharbani hai
ya teri jawani ka asar. suna hai khuda
ko bhi ata hai pasina tujhe dekh kar.
-----------------------------------------
3 : Yeh mohabat ka nasha hai ya mere dil ka fitur
khyal ate hi tera mujh pe chad jata hai saroor.
-----------------------------------------
4 : Mere dil ki chahat hai ya teri chahat ka saroor
Tujhe dekh kar bas itna hi socha,
ke tujh me kuch to baat hogi zaroor.
-----------------------------------------------

Avaidh Delhi

Speedpost :
Avaidh Delhi.....
Postmortem :
Avaidh rishte, avaidh kamai,
Avaidh Degree, Avaidh bastia,
Delhi meri avaidh ban kar hi reh gai.
(Published on 14.09.07)

Mausam Mast

Headline 03.09.07
Jhamajham barish se mast hua mausam.
Postmortem :
Yeh mausam ki meharbani hai ya
teri jawani ka asar.
suna hai khuda ko bhi ata hai pasina
tujhe dekh kar.

Sarkari chuna

Headline 03.09.07
Sarkar ko 78 lakh ka chuna laga.
Postmortem :
Ab sarkari karamchari ki to jitni
hesiyat thi usne utne hi to kaam karna
tha na, koi neta to tha nahi ke
croro-arbo ka chuna laga deta.
(Published on 04.09.07)

Rajniti kamaal ki

Headline 03.09.07
Hyderabad visfoto ke baad
shuru hui ab mauto pe siyasat.
Postmortem :
Yahi to hai yahan ki rajniti ka kamaal,
koi mare ya jiye isse inko kya hai kaam ?

Lutero ki jamat

Headline 03.09.07
Delhi me sakriye hua 'one man' lutera.
Postmortem :
Kyun bhai, sarkari daftaro me
chutia chal rahi hai kya ?
(Published on 04.09.07)

Srikrishan ka janam.

Headline 03.09.07
Kadi suraksha ke beech
hoga srikrishan ka janam.
Postmortem :
Kaun kehta hai ki waqt badla hai,
kuch nahi badlaus waqt bhi srikrishan
ka janam kadi suraksha (jail) me hua tha
aur aj bhi kadi suraksha me hi ho raha hai.

Vetan ya abaadi

Headline 03.09.07
Mukesh ka vetan 25 crore.
Postmortem :
Ise pad kar to lagta hi nahi
ke yeh vetan hai, aisa lagta hai
jaise kahin ki abaadi batai ja rahi hai.
(Published on 04.09.07)

Benazir ki vapsi

Headline 02.09.07
Benazir ki vapsi ki ghoshana
se saansat me sarkar.
Postmortem :
Arey yaar kamaal hai,
ghoshana se jo itna ghabraoge,
jab aa jayegi ek baar voh samne
to kya ulta hi latak jayoge,
(Published on 03.09.07)

Bharat ka atomi karar.

Headline 02.09.07
Cheen bhi chahta hai Bharat se atomi karar.
Postmortem :
Ek padosi ke yahan mithai baten
aur dusre ke ghar na pahunche
kya yeh acha lagta hai.

Sharif se napatna

Headline 02.09.07
Sharif se nipatne ko Musharaf tyar.
Postmortem :
Kisi bhi sharif se napatna
itna bhi asaan nahi hota, general saheb,
jitna apne soch liya !

Police ke samne

Headline 02.09.07
Police ke samne hi mahila ko jalaya.
Postmortem :
Hamesha apke liye, apke sath rehne wali police
ne kya khub vada nibhaya.

Police ki vardi

Headline 02.09.07
Police ki vardi me bheek
mangeyge ghansham singh.
Postmortem :
Arey, bheek mangne ki kya zaroorat hai
vardi pehan ke nikal jayoge to vaise hi bahut
kuch mil jayega.
(Published on 03.09.07)

Kanooni jagrukta

Headline 02.09.07
Kanooni jagrukta abhiyan shuru.
Postmortem :
Bhai zara soch ke, zyada jagrukta apke
liye hi pareshania paida kar sakti hai

kudrat se panga

Headline 02.09.07
Delhi ki pyas bujhane ko
teen lakh ped honge shaheed.
Postmortem :
Pyas to bujha loge lekin
khyal rakhna kudrat se panga
kahin mehnga na pad jaye ?

Shayari : 2

Shayari :
--------------
1 : Dur rehna hi tha to pas kyun aye,
pas aye bhi to vo geet kyun gungunaye,
gungunaye jo they to kuch der aur thehar jate,
tumhe thehra dekh shayad bahar phir aa jaye.
-----------------------------------------------
2 : Humko pata na chala, vo kab itne majboor hue,
jyon-jyon hum agey bade, tyon-tyon vo humse door hue.
----------------------------------------------------------

Shayar : 1

Shayari :
---------
1 : Is dil ke hatho hum majboor ho gaye,
apne sanam ki chahat me choor ho gaye,
ik unki hasin hai jo chipti hi nahi,
hum har gum chupane ko majboor ho gaye.
--------------------------------------------
2 : Khuda kare kisiko pyar na ho,
pyar ho jaye to izhar na ho,
izhar ho jaye to ikrar na ho,
ikrar bhi ho jaye to ey khuda,
uspe gumo ki bochar na ho.
---------------------------------------------

Bhagidari banking

Headline 01.09.07
Bhagidari banking me jokhim nahi : Ansari.
Postmortem :
Bhai jokhim to tab tak hi nahi hota
jab tak bhagidar ko kuch pata na lage .

India ka danka

Headline 01.09.07
Made in India ka dunia bhar me danka.
Postmortem :
Hamare yahan banne wale maal ka danka
bajta hai ya phir hamari stamp ka.

Swalia nishan

Headline 01.09.07
Prashasanpar swalia nishan.
Postmortem :
Kis-Kis pe swalia nishan lagaoge,
yahan to ' har shakh pe uloo betha hai
anjame gulistan kya hoga ?

Netao ki ginti

Headline 01.09.07
Kitne gang hai desh me : High court
Postmortem :
Me lord, gangs ka to pata nahi,
lekin haa, ap agar ijazat de to hum
netao ki ginti kar le...
(Published on 02.09.07)

Theory / Practical

Headline 01.09.07
Bhari pada yaun shiksha ke swal puchna.
Postmortem :
Arey shukar manao ke unho ne theory ke swal
hi puche they, kahin practical ke puch lete to ?

Kitne admi they ?

Headline 01.09.07
Kitne admi they hall me ?
Postmortem :
Sardar sirf ghar ke hi nazar a rahe they
bahar ka to koi dikha nahi.

Atomi bus

Headline 01.09.07
Mis nahi kar sakte atomi bus : PM
Postmortem :
Jaldi se pakad lena sar, chodna mat
agli bus pata nahi kab ayegi.

Aur janta patal me

Headline 01.09.07
GDP upar, Mehngai neeche,
aur sarkar saatve asmaan par .
Postmortem :
Aur janta patal me ?

Sahayeta rashi

Headline 01.09.07
Pulse polio ke liye
japan se mile 18 crore dollar.
Postmortem :
1 : Bahut khub, sahayeta rashi to mil gai,
ab pulse kya aur polio kya...
-----------------------------------------
2 : Kitni rashi, kitne logo ke, kis kaam ayegi
yeh kitne log jaante hai ?