Jaam hi Jaam

Headline 31.10.07
Subah se shaam,
har taraf jaam hi jaam.
Postmortem :
Subah shaam sadko par jaam
raat hote hi pyalo ke jaam
jaam ke chakar me
jaam ho gai zindagi
jaam ke siva koi aur nahi kaam
(Published on 01.11.07)

Jivan ka dastur

Headline 31.10.07
Chadao prasad aur pao
kanoon todne ka license.
Postmortem :
Puja karo neta ki
prasad chadao maya ka
thaath se jivan jiyo
yahi dastur hai yahan ka.

UP me dum hai

Headline 31.10.07
Mearut me sabse zyada polio rogi.
Postmortem :
Arey bhai UP me dum hai
bimari ho ya gunda gardi
yahan kaun si cheez kam hai ?

Bharat ke liye khushia

Headline 31.10.07
Khelo me Bharat ke liye khushia
laya yeh varsh : Pratibha patil.
Postmortem :
Aur in khushio ko grahan lagane walo
ki bhi kami nahi hai yahan, madam

Lagey raho munna bhai

Headline 31.10.07
Dipika ko girlfriend banane
ki koshish karenge dhoni.
Postmortem :
Lagey raho munna bhai,
kabhi to kaamyabi milegi.

Swal par bwal

Headline 31.10.07
Pravin ne uthaya promod ke charitra par swal.
Postmortem :
Utha ke aisa swal macha diya bwal
arey bhai itna bhi na socha,
tera kya hoga hal.

Shaadi ka panga

Headline 30.10.07
Iraq me badh rahi hai kunwaro ki sankhya.
Postmortem :
Ab itne sakth kanoono ke beech
shaadi ka panga kaun le.

Naukario ke avsar

Headline 30.10.07
Delhi me ghatenge naukario ke avsar
Postmortem :
Naukario ke avsar ghataoge
to kya lootpat karvayoge.
(Published on 31.10.07)

Karvachauth ki lali

Headline 30.10.07
Karva chauth ne bikheri noto ki lali.
Postmortem :
Un patio se pucho jinki jebe kar di khali.

Kar li dunia muthi me

Headline 30.10.07
Mukesh ab dunia me sabse amir.
Postmortem :
Bahut khub, akhir
kar hi li dunia muthi me, shabash.
(Published on 31.10.07)

Pati ki saza

Headline 30.10.07
Patni zinda lekin pati ne kati
dahej hatya me saza.
Postmortem :
Arey bhai aisi patni ke sath rehna
bhi kisi saza se kam nahi hota.

Sn 2020 ki zarurat

Headline 29.10.07
2020 tak aam public ko milegi havai ambulance.
Postmortem :
Jin halato se guzar rahe hai hum
unse to lagta hai ki sn 2020 tak har admi ko
sirf ambulance ki hi zaroorat padegi

Kamai se khushi

Headline 29.10.07
Beauti parlaro me mara mari karva chauth ki.
Postmortem :
Aur parlaro ke maliko ke chehre to unki kamai
se hi khil gaye honge.

Gita ka gyan

Headline 29.10.07
British shahi parivar nashe aur sex ki
black mailing ka shikar.
Postmortem :
Jaisa karam karega vaisa fal dega bhagwan
yahi hai gita ka gyan bache.

kal aur aaj

Headline 29.10.07
Kare shoping par na bhule do saal
pehle ka dhanteras.
Postmortem :
Gamo se lado par apne kal ke gam ko
aj ki khushi par havi mat hone do

Dusra kandha apni bandook

Headline 29.10.07
Jeet ke liye Shoib ko Akhtar par bharosa.
Postmortem :
Auro ke kandho par bandook rakhoge
to nishana aksar chuk jata hai barkhurdar

Tu chal me aya

Headline 29.10.07
Sachin aur Sourabh ko bhi milega
Dravid ki tarah break.
Postmortem :
Ab kya kare bechare Tu chal me aya
wali pratha ko bhi to zinda rakhna hai

Saheb ka nazaria

Headline 28.10.07
Delhi me badh raha hai
hariyali ka dayra : Rajkumar Chauhan
Postmortem :
Kamaal hai chauhan saheb,
blueline ka kehar, netao ke ghotale,
mehngai ki maar, kya yeh sab nazar nahi aya ?
(Published on 29.10.07)

Hindi-Chini bhai bhai

Headline 28.10.07
Bharat - China me sambhand zaroori : Sonia
Postmortem :
Arey madam hindi - chini
bhai bhai ka nara to hum sun62 se
laga rahe hai, par aglo par bhi to koi asar ho.
(Published on 29.10.07)

Blueline ki centuary

Headline 28.10.07
Manhus centuary banai killer line ne.
Postmortem :
Aur afsos, kash koi to aisa khiladi hota
jo ise out kar sakta.

Bandro ka danga

Headline 28.10.07
Thane ki daru pe dabangai karte hai bandar
Postmortem :
Daru aur voh bhi thane ki, kya umeed karte hai ap
voh danga nahi to bhajan kirtan karenge kya ?

Rishto par bharosa

Headline 28.10.07
Srimaan bharosemand se utha bharosa.
Postmortem :
Jab khoon ke rishto par se hi bharosa uth
gya ho to auro ki kya baat kare.

Mahilayo ka bol bala

Headline 28.10.07
Antriksh me bhi mahilayo ka bol bala
Postmortem :
Bol bala to inhi ka hi rehna tha,
vahan ja kar bhi yeh chup kahan bethi hongi.

Aj ka mahol

Headline 27.10.07
Sona, Shere, Tel sabke sab top gear me.
Postmortem :
Aur insaniyat, bhaichara, prem
sabke sab back gear me.

MTNL ka mela

Headline 27.10.07
MTNL perfect health mela aj se.
Postmortem :
Arey pehle apni sehat to sudhar lo,
baad me dunia ki bhi soch lena.

Talaq ki rasme

Headline 27.10.07
Muslim talaq ki rasm me badlav ki zaroorat : Highcourt
Postmortem :
Talaq se pehle agar inki shaadi ki rasmo me badlav
kar le to shayad talaq ki naubat hi na aye.
(Published on 28.10.07)

Driver ki chusti

Headline 27.10.07
Bahut jald button se rukegi bus.
Postmortem :
Aur button dabane wala hi chust na hua to ?

Team India ke jhande

Headline 27.10.07
Kapil ne kaha Dhoni ko hi banaye test captain.
Postmortem :
20-20 me to jhande gaad hi diye ab test ki bari hai.

Netao ki sakth jaan

Headline 27.10.07
Mulayam par kathor hui CBI.
Postmortem :
Hamere yeh neta aisi miti ke bane hai
jis par kisi bhi kathorta ka asar nahi hota
inke bare me kuch aur hi socho sir.
(Published 0n 28.10.07)

Netao ki netagiri

Headline 26.10.07
Janta se dar lagta hai
to ghar hi rahe neta : Highcourt
Postmortem :
Agar yeh ghar par rahenge to
neta giri kis pe karenge my lord.

Haathi ke daant

Headline 26.10.07
Keshubhai ne kaha
Narender modi se samjhauta nahi.
Postmortem :
Zara sambhal ke bhaiya,
yeh haathi ke daant hai, khane ke aur
dikhane ke aur.

Uncle ki advise

Headline 26.10.07
Musharaf-Bhutto mil kar kaam kare : America
Postmortem :
Ache bacho ki tarah uncle ki baat maan lena
verna uncle lolypop dena band kar denge

Rajniti ki khichdi

Headline 26.10.07
Vaam aur Teesre morche ki pak rahi hai khichdi
Postmortem :
Yahan khichdia to pakti rehti hai,
lekin aj zaroorat hai aisi khichdi ki jisse
sabka hazma theek ho sake

Team India ki charging

Headline 26.10.07
Pak ke khilaf recharge hokar utrenge : Dhoni
Postmortem :
Maidaan me 2-4 heroino ko bula lena
recharge khud b khud ho jayoge.

Rahat ki saans

Headline 26.10.07
Jayen kahin bhi janab,
mobile bata dega apki location.
Postmortem :
Is khabar se bivio ne rahat ki saans
zaroor li hogi.
(Published on 27.10.07)

Checking ki checking

Headline 26.10.07
Checking ko tenat yatayat police
ki bhi hogi checking.
Postmortem :
Kya farak padta hai, 100 rupay
le kar yeh chod dete hai aur
50 rupay de kar chut bhi jayenge
(Published on 27.10.07)

Ladko par bhari ladkiya

Headline 25.10.07
Rajdhani me 1000 ladko par 831 ladkiya.
Postmortem :
Ginti bhale hi kam hai
phir bhi inme dam hai
yeh ladko par padti bhari hai
har shetra me bazi mari hai.

Ankho ki chuban

Headline 25.10.07
Congress raj me bhi muslimo
ko BJP se pareshani.
Postmortem :
Chubne wala kapda to har hal me
chubhega hi, pehnoge to jism par
nahi to ankho me...

Heroino ke chakar

Headline 25.10.07
Mahine baad Ranchi pahunche Dhoni.
Postmortem :
Arey shukar karo pahunch
to gaye,verna heroino ke
chakar me to ache-ache bhatak gaye

kutte ki dum

Headline 25.10.07
Puri zindagi kat jayegi salakho ke peeche.
Postmortem :
Kuch bhi kar lo, kutte ki dum
sidhi hui hai kya ?

Judgment day

Headline 25.10.07
Judgment day : 60 logo ko umar qaid.
Postmortem :
60 ko ho ya 600 ko, jurm kam ho to jane.

Bharat ka akramak andaz

Headline 24.10.07
Dekhenge kab tak jari rahega
Bharat ka akramak andaz : Ponting
Postmortem :
Kyun, ek dafa dekhne se andaza nahi hua kya ?

Sarkari karmi aram pasand

Headline 24.10.07
Sarkari karmi nahi laga sakte bacho ki line.
Postmortem :
Arey bhai line lagana bhi to mehnat ka kaam
hai, aur sarkari karmi ko mehnat ki adat hoti nahi.

kudrat ka niyam

Headline 24.10.07
MRF Tyres se sachin ki jagah lenge yuvraj.
Postmortem :
Badlav hi kudrat ka niyam hai bhai.

Sarkari kaam

Headline 24.10.07
Sarkari naukri mile to
2 saal me bhaga denge sare
bandar : Langoor malik ka dava
Postmortem :
Sarkari kaam to vaise bhi 2 saal keh
ke 10 saal me bhi nahi hota.

Dudh ki keemate

Headline 20.10.07
63 Fisadi bache animia ke shikar.
Postmortem :
Sharam karo yaar, aye din to dudh ki
kimate bada dete ho, bache bechare kya kare.

Moutrma ki khatir

Headline 20.10.07
Hamle me hakumat ke log.
Postmortem :
Vaise is tarah ki meharbania to
hakumat ke log hi kar sakte hai moutrma,
bahar wale nahi.

Rekha ke guru

Headline 20.10.07
Mere guru Amitabh : Rekha
Postmortem :
Arey acha hua jo apne bata diya,
verna dunia to kuch aur hi samajhti thi.

Dastane papa

Headline 20.10.07
Virender sehwag bane papa.
Postmortem :
1 : Chouke-chakey to khub maar liye beta,
aate dal ka bhav to ab pata lagega.
2 : Yeh kahawat yaad rakhna beta,
' papa papa kehte they, sada sukh lete they
aur papa papa kehlaya, sada dukh paya '

Hamara naya status

Headline 20.10.07
Scotland ne Delhi metro se maangi madad.
Postmortem :
Chalo hum kisi ko madad dene ke kabil to hue
verna ab tak to hum hi auro se madad mangte
rehte they.

Mukti ka tarika

Headline 17.10.07
Patni pidit ne diya ek crore ka daan.
Postmortem :
Kisi ne sahi kaha hai bhaiya,
mukti pane ke liye insaan kya kya nahi karta.

Waqt ka takaza

Headline 17.10.07
Vankhede ko goodby kahenge Sachin.
Postmortem :
Aj waqt ka takaza bhi yahi hai sachin babu.

97 se 07 tak

Headline 17.10.07
Dus police wale hatyare sabit.
Postmortem :
Apni ankhe test karao bhaiya
97 se 07 tak sirf 10 hi nazar aye ?

Deal ka khel

Headline 17.10.07
Deal, no deal ka khel jari.
Postmortem :
Khel khel me desh ka kya haal hua,
yeh bhi kabhi socha hai kya ?

Vigyapan se serial

Headline 16.10.07
Kya mangalvar se
vigyapan dikhne band honge ?
Postmortem :
Aur to kuch nahi hoga,
bas serialo ki TRP gir jayegi
kyun ki vigyapano ki vajah se
hi to log serial dekhte hai.

Sania ki ranking

Headline 16.10.07
Sania ki ranking giri
Postmortem :
Arey khel me gir gai to kya
vigyapano me to chadh gai.

Nach na jane.....

Headline 16.10.07
Phir dulhan ki tarah saj gaya Vankhede.
Postmortem :
Aangan to seedha kar liya, ab nach bhi seekh lo.

Sasti bijli ka taufa

Headline 16.10.07
Garibo ko mila sasti bijli ka taufa.
Postmortem :
Chunavo tak to aish kar lo,
uske baad puchenge.

Tauba yeh matwali chaal

Headline 16.10.07
Tauba.....yeh matwali chaal.
Postmotem :
Is matwali chaal ke behkave me
mat ana bhaiya, pata nahi kab ulti padh jaye

UP ki mahima

Headline 15.10.07
UP se tauba ki Relience retail ne.
Postmortem :
Kamaal hai aap tauba karte hai aur
Bachan saheb gungaan karte hai,
ab yeh nahi samajh aya ki kaun sahi hai ?

Aspatal ka karishma

Headline 15.10.07
GTB aspatal se mahila gayeb
Postmortem :
Abhi tak to aspatal se davaia hi
gayeb hoti thi ab mahilaye bhi hone jagi.

Musharaf ki idi

Headline 15.10.07
Nawaz ne ID par Musharaf ko latara.
Postmortem :
Arey Musharaf saheb kaun se kam hai,
unho ne idi samajh kar le liya hoga.

Peene ke bahane

Headline 15.10.07
Tyoharo ke mausam me jal sankat ke asaar.
Postmortem :
Aur to kuch khas naho hoga,
bas peene walo ko peene ka bahana mil jayega.

Delhi dil walo ki

Headline 14.10.07
Delhi ke log hardey rog v
rakt chaap se zyada pidit.
Postmortem :
Yahan dil ke rogi zyada hai,
isi liye ise Delhi dil walo ki kehte hai kya ?
(Published on 15.10.07)

Police ke pet pe laat

Headline 14.10.07
Shamlal college chowk hoga red light free
Postmortem :
Ek point khatam kar ke kyun police
ke pet par laat maarte ho.
(Published on 15.10.07)

Musharaf ki sharafat

Headline 14.10.07
Chunav ke baad sharif se varta : Musharaf
Postmortem :
Aisi sharafat chunav se pehle dikhao to jaane.

Vade aur koshish

Headline 14.10.07
Harun ji, kya hua muavze ke vade ka ?
Postmortem :
Sir koshish karte to zaroor kamyaab hote
vade to aksar toot hi jate hai.

Benakab hui congress

Headline 14.10.07
Benakab hui congress : Sangh
Postmortem :
Sheeshe ke gharo me rehne wale
dusro par pathar nahi phenkte hazoor

Maut ka licence

Headline 13.10.07
Madhu ki jaan lene ke 5 din baad
bana driving licence.
Postmortem :
Vo licence driving ke liye kahan tha
vo to jaan lene ka licence tha.

Sarkar ki kurbani

Headline 13.10.07
Atomi deal par nahi kurban hogi sarkar.
Postmortem :
Chinta na kare muddey to kai aur bhi hai,
bas aap tyar rahe.

Angoor khate hai.

Headline 13.10.07
Big B ne barabanki zameen ka dava choda.
Postmortem :
Kyun hazoor, Angoor khate hai kya ?
(Published on 14.10.07)

Maut ka tandav

Headline 13.10.07
Adhi se aadhik blueline base gayab.
Postmortem :
Gayab nahi, maut ka
tandav kar ke thak ke
kahin araam farma rahi hongi.

Kagzo ke ankde

Headline 13.10.07
Teen din : 538 challan, 233 jabt.
Postmortem :
1 : Challan aur jabt ki ginti to bata di
jeb kitni bhari hui, yeh bhi bata deta.
2 : Yeh ankde to kagzo ke upar ke hai,
kagzo ke neeche ki tasveer bhi dikha dete.
(Published on 14.10.07)

Austreliya ka badla

Headline 12.10.07
Austreliya ne liya vadodra
me chandigarh ka badla.
Postmortem :
Aji kahe ka badla,
yeh to hamari mehman navazi
thi jo beech me aa gai, verna to....
(Published on 13.10.07)

Sarkar ki latar

Headline 12.10.07
Sarkar ko court ki latar,
kaise diye certificate.
Postmortem :
Ab kya bataye hazoor,
bag itna bhari tha ki mana
nahi kar sake.
(Published on 13.10.07)

Amitabh ka janamdin

Headline 12.10.07
Amitabh ne sadgi se manaya
apna 65th janam din.
Postmortem :
Ab is umar me aur
umeed bhi kya ki ja sakti hai.
(Published on 13.10.07)

Baso ka chutna

Headline 12.10.07
Asaan nahi hai jabt baso ko chudana.
Postmortem :
Vo kahavat nahi suni kya ?
Rishwat lete pakde jao to rishwat
de ke chut jao.

Mahilao ki dasha.

Headline 12.10.07
Nahi sudhri mahilao ki dasha.
Postmortem :
Arey inki dash sudharne ke liye
to admi ne apni dasha bigar li.

Chunavi charan

Headline 11.10.07
Do charno me honge
Gujrat aur Himachal ke chunav.
Postmortem :
Taki pehli dafa jo kamia reh jaye vo
dusri dafa me puri ho sake.

Ek aur centuary

Headline 11.10.07
One day carier ki chauthi centuary aj.
Postmortem :
To ho jaye isi khushi me ek aur centuary.

Delhi shehar No.1

Headline 11.10.07
Rashtra kul khelo se pehle Delhi
hoga vishva ka no. 1 shehar : Shiela Dixit
Postmortem :
Mehngai, lootpat aur blueline ke chalte
bilkul yeh no 1 hi hone ja raha hai madam.

Sasti bijli ke jhatke

Headline 11.10.07
Chunavi byar me bijli hogi sasti.
Postmortem :
Lekin iske jhatke lagenge chunavo ke baad.
(Published on 12.10.07)

Dengu ka prakop

Headline 11.10.07
Dengu ka prakop - ek hi din me 22 mareez.
Postmortem :
Lagta hai yamraj ji khud to chale gaye chuti par
aur peeche se charge de gaye dengu ke machar ko.

Laukers ka khazana

Headline 11.10.07
Band pade laukers me mile rumal, patr aur note.
Postmortem :
Lagta hai apke aane ki bhanak
unko pehle se hi lag gai hogi.

UP ke school

Headline 11.10.07
UP ke schoolo me sharirik dand par rok
Postmortem :
Yeh rok sirf schoolo ke andar ke liye hai ya
schoolo ke bahar bhi lagoo hogi.

Krar ki samay seema

Headline 11.10.07
Bharat tey karey karar ki
samay seema - America
Postmortem :
Jaldi bhi kya hai, pehle inhe
apno se to nibat lene do, phir
samay seema bhi tey ho jayegi.

Machar ki maar

Headline 10.10.07
Dengue ne lagaya sabhi
swiming pool aur favaro par break.
Postmortem :
Ek machar agar admi ko
hijra bana sakta hai to phir yeh
swiming pool aur favara kya cheez hai.

Purkho ki raah

Headline 10.10.07
Nehru ke baad ab Manmohan singh
karenge Nigeria ka daura.
Postmortem :
Unke bataye hue baki
rasto par bhi chal kar batao to jane.

Tension lene ka nahi

Headline 10.10.07
Cheen ki harkat se Bharat chintit.
Postmortem :
Arey mamu,
tension lene ka nahi,
tension dene ka hai, kya samjha baap.
(Published on 11.10.07)

Hadso ke zimedar

Headline 10.10.07
Hadso ke liye yatayat police zimedar.
Postmortem :
Kyun bhai, daru pe ke gaadi chalane
ko yatayat police kehti hai kya ?

Lohe ko loha kaate

Headline 10.10.07
Badmijaz jodi ne theek kiya
Australiya ka mijaz.
Postmortem :
Lohe ko loha kaat-ta hai,
ab tak to suna tha, ab dekh bhi liya.
(Published on 11.10.07)

Diwali ki saugat

Headline 10.10.07
Filhal kutti cancil,
UPA sarlkar ko dushere tak mohlat.
Postmortem :
Kya yeh mohlat is liye hai ki diwali
sahi se manai ja sake.

Buland irade

Headline 10.10.07
Maya boli agey bado, ab Delhi dur nahi.
Postmortem :
Honsle buland ho to chand bhi dur nahi madam.

Karar par aar-paar

Headline 09.10.07
Karar par rar khatam. ab to aar-paar.
Postmortem :
Ab aar ho ya paar,
pisegi to janta hi na mere yaar.
(Published on 10.10.07)

Blueline ka vikalp

Headline 09.10.07
Vikalp hota to blueline baso ko
aaj hi hata dete-High court.
Postmortem :
Kiska vikalp ? maut ka ya
public transport ka.
(Published on 10.10.07)

Dhoni confused

Headline 09.10.07
Seniors ko kaise kinare kar sakte hai ?
pucha Dhoni ne.
Postmortem :
Kamaal hai yaar, yahan to log
maa-baap ko kinare karte nahi sochte

Der aye darust aye

Headline 09.10.07
Teen saal ke baad
vishva champion se jeeta Bharat.
Postmortem :
Chalo itna to ab keh hi sakte hai
' der aye darust aye '

flight superviser

Headline 09.10.07
Mahilaye bhi ho sakti hai flight superviser.
Postmortem :
Zaroor ho sakti hai agar
yeh khud ko zameen par rakhe to.

Sukhi jiwan ka raaz

Headline 08.10.07
Lambi umar ki chahat rakhte hai
to talak se bache.
Postmortem :
Aur yahi umar agar shanti poorvak
bitana chahte hai to shaadi se hi bache

Blue line ka kehar

Headline 08.10.07
Blue line ke kehar se tharrai Delhi.
Postmortem :
Aur janta laakh chilaye,
par netao ki kursi phir bhi nahi hili.

Rashtrapati ki daud

Headline 08.10.07
Rashtrapati ki daud me Hilleri agey.
Postmortem :
Daud me to hum bhi agey
reh sakte hai sirf shart itni hai
ki daud me koi aur hona nahi chahiye.

Vidai ki rasam

Headline 08.10.07
Pak jeet ke sath dega vidai
injmaam khelega carier ka antim test.
Postmortem :
Yeh theek hai ki vidai ki rasam me
kuch milta zaroor hai, par jeet hi milegi
yeh kaise soch liya apne.
(Published on 09.10.07)

Karo ya maro

Headline 08.10.07
Karo ya maro ke fer me fansa Bharat.
Postmortem :
Itihas gavah hai, aise halaato se
Bhartiye sher nikalna achi tarah jaante hai.

Deal ka virodh

Headline 08.10.07
Deal virodhi vikas virodhi : Sonia.
Postmortem :
Vikas ke liye ki hui deal ka virodh
koi sacha bhartiye to karega nahi.

Shradh aur Ramjaan

Headline 07.10.07
Shradh aur ramjaan me movie ! Tauba tauba.
Postmortem :
Jin kaamo se tauba karni chahiye,
unse karo to jane, movie se kya hoga.
(Published on 08.10.07)

Netao ki notanki

Headline 07.10.07
BJP ke smarthan vapsi ke sath
karnatak me natak khatam.
Postmortem :
Bahut ho gai yeh notanki, ab zara
desh ki bhi soch lo bhai.

Sadak nirmaan lakshye

Headline 07.10.07
Sadak nirmaan lakshye me kai rajye pichde.
Postmortem :
Kya kare bechare ab yeh bhi, jo paisa inhe
milta hai usse to inke khud ka hi pura nahi padta.

Hum nahi sudhrenge

Headline 07.10.07
Dilip vengsarkar ki chetavani,
sudharo ya bahar jayo
Postmortem :
Kamaal karte hai aap bhi dilip saheb
' Hum nahi sudhrenge ' fil inke upar
hi to bani thi.

Income tax

Headline 07.10.07
Income tax daftar ka record swaha.
Postmortem :
Record bhale hi swaha hom jaye
yeh income tax wale hai bhai
yeh apni par aa jaye to, kabar khod ke
bhi dhoond nikalenge.

Chunav ki maar

Headline 07.10.07
Karar par badhi aar, chunav ke asaar.
Postmortem :
Inke baap ka kya jayega sarkar,
janta jhelegi chunav ki maar.

Insaan aur insaniyat.

Headline 06.10.07
Sadar bazar ki ulti ginti shuru.
Postmortem :
Jis speed se insaniyat gir rahi hai,
usse to lagta hai ki insaan ki hi ulti
ginti shuru ho chuki hai.

Diwali ya Diwala

Headline 06.10.07
Diwali se pehle sasta hoga home loan.
Postmortem :
Arey bhai inke jhanse me aa ke diwali se
pehle hi apna diwala mat nikalva lena.

Atomi deal

Headline 06.10.07
Atomi deal par VAM ki bumbari jari.
Postmortem :
Jo deal hi atomi ho,
uspar kisi bumbari ka kya asar hoga.

Karnatka sarkar

Headline 06.10.07
Karnatka sarkar ka girna tey.
Postmortem :
Arey jab insaniyat ko girane me yeh log
der nahi lagate to sarkar ky cheez hai.

Yuvi ke ek shatak

Headline 06.10.07
Yuvi ka shatak bhi na dila saka jeet.
Postmortem :
Akele yuvi ke ek shatak se hi agar
jeet sakte hai to baki vahan kya ghaas
kaatne gaye hai ?

Apno ke sitam

Headline 05.10.07
Nigam ne apno par hi chalaya buldozer.
Postmortem :
Itihas gavah hai, admi apno se hi maat
khata hai, gero me kahan dum hota hai.
(Published on 06.10.07)

Andolan aur anshan

Headline 05.10.07
Ashiyana toda to logo ne andolan cheda.
Postmortem :
Andolan chedo ya anshan, karenge yeh
vahi jo ayega inke man.

Police ka bharosa

Headline 05.10.07
Pradhanmantri ne kaha police se
uth raha hai logo ka bharosa.
Postmortem :
Vo to uthega hi, police bhi to
be vajah logo ko utha leti hai.

Karnatka me ramlila

Headline 05.10.07
Karnatka me ramlila jari.
Postmortem :
Bahut khush naseeb hai karnatka
verna sare desh me to mahabharat
chida hua hai.

Krar par takrar

Headline 05.10.07
Krar par VAM ke rukh me koi narmi nahi.
Postmortem :
Narmi dikhao ya garmi,
krar par koi farak padne wala nahi
bas itna samajh lo.
(Published on 06.10.07)

Be-sharam Delhi

Headline 04.10.07
Roadrej se fir sharamsaar hui rajdhani.
Postmortem :
Sharam ati hai unhe
jo sharam se sharmate hai
hum khud hi be sharam hai
sharam humse sharmati hai.
(Published on 05.10.07)

Police ki parede

Headline 04.10.07
Police karmi fir karenge left-right-left.
Postmortem :
Dunia ko chala chuke
ab inki baari hai
logo ki parede karate they
ab khud ki tyari hai.
(Published on 05.10.07)

Sammaan ka farmaan

Headline 04.10.07
Mata-pita v guru-jano ka sammaan zaroori.
Postmortm :
Bete ne baap ko mara
adhyapak ne kiya blatkar
kya yahi hai sammaan meri sarkar.

Sarkar ka upkar

Headline 04.10.07
Pyaz lekar sadko par utri Delhi sarkar.
Postmortem :
Chodo yeh rajniti ka darbar
aasman chute pyaz ko
neeche layo to bada hoga upkar.
(Published on 05.10.07)

Japani pathshala

Headline 04.10.07
Yatra Japan ki, baat garibo ke makaan ki.
Postmortem :
Yahi to inki pehchan hai
makaan to makaan
safai seekhne ke liye bhi
jate yeh Japan hai.

Waqt ka sath

Headline 03.10.07
20-20 par bhari 50-50 ke champion.
Postmortem :
Yeh to waqt waqt ki baat hai
kabhi waqt hamare sath tha
aj unke sath hai.
(Published on 04.10.07)

Jai jawan jai kisan'

Headline 03.10.07
Bapu rahe yaad aur Shastri ji ko bhule.
Postmortem :
Lagta hai 'jai jawan jai kisan'
pe 'Gandhigiri' bhari padh gai.

Ram ka naam

Headline 03.10.07
Ram ko tyagne wala dubne se nahi bach saka.
Postmortem :
Aur jo dubne se bach gaya,
usne ram ko vaise hi bhula diya

Asli aur nakli

Headline 03.10.07
ISI ki chal, nakli noto ka golmal.
Postmortem :
Auro ko to nakli bhejte hai aur
khud asli ko taraste hai.
(Published on 04.10.07)

Farzi log malamaal

Headline 03.10.07
Asli pension, farzi log malamaal.
Postmortem :
Yahi to hai kamaal, yahan kaam karne
walo ko to rehta hai malal, aur nahi karne
wale hote hai malamaal.

Retairment age

Headline 03.10.07
62 Ho sakti hai retairment age.
Postmortem :
Age se kya farak padta hai,
kaam nahi karne wale to
32 me bhi nahi karte aur
karne wale 72 me bhi karte hai.
-------------------------------
Chalo acha hai sarkari karamchario
ko aur waqt mil gaya araam ke liye.

Chunav sar pe hai ?

Headline 02.10.07
Devgauda dharam ki raah, BJP Gandhigiri par
Postmortem :
Inko dekh kar to lagta hai ki sach me
chunav sar pe hai.

Mamla gadbad hai

Headline 02.10.07
Court ne fatkara, kendra ne puchkara
Postmortem :
Jab court fatkare aur kendra puchkare
to samjho mamla gadbad hai.

Dahej ka danav

Headline 02.10.07
Dahej ki bhent chadi do aur mahilaye.
Postmortem :
Roko is dahej ke danav ko
agar bachana chahte ho manav ko
(Published on 03.10.07)

UP me dum

Headline 02.10.07
Big B bataye, UP me kaise hai jurm kam.
Postmortem :
Yeh to dosti ki vajah se bhar diya dum,
verna inhe kya pata UP me kya hai zyada
aur kya hai kam

kolkata ki navabbadi

Headline 02.10.07
Aaj bhi raah dikhati hia kolkata ki navabbadi.
Postmortem :
Aisi hi baat hai to hamare netao ko
vahan ki raah kyun nahi dikhate

Shayari: 01.10.07

Dil ki dastan :
Kahan koi aisa mila, jis par dunia luta dete
har ek ne dhoka diya, kis kis ko bhula dete
apne dil ka dard dil me hi dabaye rakha,
karte bayan, to mehfil ko rula dete.
Aap ki ada :
Ek to aap sharmate bahut ho, agar baat
kare koi to itrate bahut ho, dil chahta hai koi
sms na karu, par suna hai aap sms padh kar
aap muskarate bahut ho.
Is bheer bhri dunia me :
Is bheer bhri dunia me, na jane kya ho gaya,
sab kuch hai magar, par lagta hai kuch kho gaya,
sitaro bhri shaam hai lekin, ik sitara na dikha,
dhundti hai nigahe jise,vo hamara na dikha,
bahut chaha, bahut dhunda, ik baar to nazar aye vo,
waqt ki maar kahe ya kismat ka khel,
bas vo sitara hamara na dikha.

Anadhikrat colonia

Headline 01.10.07
Jaldi niyamit hongi anadhikrat colonia.
Postmortem :
Taki naye logo ko nai anadhikrat colonia
banane ka mauka jald hi mil sake.
(Published on 02.10.07)

UP ki dhandhle baazi

Headline 01.10.07
UP me aur 7391 jawan barkhast.
Postmortem :
Agar to yeh barkhastgia dhandhle baazi ke
tehat hai, phir to UP jald hi khali hua samjho.

Kanoon ki kala

Headline 01.10.07
Quaidio ki kala dekh hatprabh hue naamvar singh.
Postmortem :
Apni kala me to yeh khub mahir they lekin
kanoon se bachne ki kala se vakif na they bechare.

Aman ka jazba

Headline 01.10.07
Aman ka jazba mazboot hua.
Postmortem :
Dheere boliye janab, agar kisi buri nazar
wale ne sun liya to nazar lag sakti hai.

Dilo ke saude

Headline 01.10.07
World heart day par kai karyekram ayojit.
Postmortem :
Arey bhai koi dilo ke adaan pradaan (Len-den)
ka bhi karyekram ho to batao.
(Published on 02.10.07)