Musharaf ki vidai

Headline 28.11.07
Sena ne di musharaf ko vidai
Postmortem :
Inko jate dekh jane kitno ki jaan me jaan aai
(Published on 29.11.07)

Bhagwano ki zarurat

Headline 28.11.07
Desh ke liye sai baba ka darshan zaruri.
Postmortem :
Is desh ko ab bhagwano ki hi zarurat hai
insaan to apna kaam kar chuke.
(Published on 29.11.07)

Mili bail, chutegi jail

Headline 28.11.07
Mili bail, chutegi jail.
Postmortem :
Lekin kab tak chalega yeh khel ?
(Published on 29.11.07)

Cinema hi cinema

Headline 26.11.07
Tension free hone ka zaria hai cinema
Postmortem :
Aur tension me ane ka bahut bada
kaaran bhi cinema hi hai king khan.

Piyakaro se vasuli

Headline 26.11.07
Piyakar drivero se dedh crore vasule.
Postmortem :
Paiso ka hisab to de diya yheek kiya
lekinbotele, adhey, pauey kitne vasule
iska bhi hisab hai koi ?

Time ki value

Headline 25.11.07
Sunny ne dekha tha timer lane wale ko.
Postmortem :
Timer lane wale ko agar time rehte
pakad liya jata to aj yeh time na dekhna padta.
(Published on 26.11.07)

Arey bhai kya hai UP ?

Headline 25.11.07
Raina ke shatak se UP sambhala.
Postmortem :
Arey bhai kya hai UP ?
Jo ek shatak se sambhal jata hai
aur cycle se hil jata hai.
(Published on 26.11.07)

Team india

Headline 25.11.07
Pak cricket team ko udane ki dhamki.
Postmortem :
Kaun si badi baat hai bhai
inko to team india bhi uda sakti
hai lekin maidan ma.

UP ki tasveer

Headline 24.11.07
Dhamako se dehli UP.
Postmortem :
UP me dum hai, jurm yahan kam hai
aisa bolne walo ko bulao,
aur UP ki tasveere to dikhao.
(Published on 25.11.07)

Dhan ki chinta.

Headline 22.11.07
Bhartiyo ko sewa nivarti ke baad
dhan ki chinta.
Postmortem :
Chinta to sewa kaal me bhi hoti hai
sirf farak itna hai ki tab paisa banane
ke raste bahut hote hai.

Pak ko nasihat

Headline 22.11.07
Pak ne sahayeta rashi ko kharch kiya
hatiyaro par.
Postmortem :
Kyun bhai apne kya noto par likh
ke diya tha kya ke kahan kharch karne hai,
apni marzi ke malik hai bhai jahan
chahenge vahan kharch karenge
voh baat alag hai ki
yeh roti bhi maang ke khate hai.

Musharaf ke humshakal

Headline 22.11.07
Musharaf ke humshakal ne kaha
meri naukri khatre me
Postmortem :
Arey miyan apko naukri ki padi hai
yahan to asli musharaf ka sab kuch
hi khatre me hai.

london ke mayar

Headline 22.11.07
Local ke murid hue london ke mayar.
Postmortem :
Murid to hona hi tha, security jo sath thi
akele hote to pata lagta.

Bacho ka bhavishye

Headline 20.11.07
Pradhanmantri ne shuru ki
Indra gandhi vradha avastha pension yojna.
Postmortem :
Chalo acha hai hamare bacho ka bhavishya
to surakshit hua, jab tak yeh budeh honge
tab tak to yeh yojna lagoo ho hi jayegi.

Bhagwan ki maya

Headline 20.11.07
Mumbai me rang jamane ki maya ki tyari.
Postmortem :
Is maya nagri me maya ki maya chal gai
to ise bhi bhagwan ki maya hi samajhna.

Musharaf ki raah

Headline 20.11.07
Musharaf ki raah se hate kantey.
Postmortem :
Kisi galat fehmi me na rehna general saheb
abhi to sirf kantey hi hate hai, babool to
agey khadey hai

Pak ki sakh

Headline 19.11.07
Jaipur me jai kar pak ne bachai sakh.
Postmortem :
Sahi kiya miya, verna ghar ja kar
bivio ko jawab dena mushkil ho jata.

Alisha ka itrana

Headline 19.11.07
America me chala alisha ka jadoo.
Postmortem :
Kamaal hai hamari heroins to sare
asia ko loot rahi hai, aur yeh hai ki
ek America par hi itra rahi hai.

Surya devta ki narazgi

Headline 19.11.07
Bhartiya upmaha dveep par kam ho rahi hai dhoop.
Postmortem :
Lagta hai bhartio me girti insaniyat ko dekh kar
surya devta bhi naraz ho rahe hai.

Kit no ka beda paar ?

Headline 19.11.07
Jail se saat qaidi farar.
Postmortem :
Qaidi to hue sirf saat farar
par kitno ka kar gaye beda paar
bas itna pata lagao mere yaar.

Shoping mall par bijlian

Headline 17.11.07
Ab shoping malls par giregi bijli.
Postmortem :
Vaise bhi kisi bhi mall me chale jayo
vahan bijlian hi girti nazar ayengi.

Heroins ka kamaal

Headline 17.11.07
Bipasha ne loota asia.
Postmortem :
Wah kya kehne hai bhai hamari heroins
koi UP Bihar loota rahi hai to koi asia
loot rahi hai.

Pyaz ke daam

Headline 17.11.07
Sarkar ne pyaz niryat par se pratibandh hataya.
Postmortem :
Kyun bhai vahan pyaz ke daam
50 rupay kilo se bhi zyada mil gaya kya ?

Ranbaxy ko jhatka

Headline 17.11.07
Ranbaxy ko jhatka.
Postmortem :
Arey bhai inki davaio ke damo se
marizo ko jhatke lagte hai,
inko kab se lagne lage.

Bharat ka bhavishey

Headline 13.11.07
Bacho ne ki thi thanedaar ke ghar chori.
Postmortem :
Meri Delhi meri shaan,
Mera Bharat mahan,
kya yahi bhavishey hau srimaan ?

Buland Bharat ki tasvir

Headline 13.11.07
Lutero ke haunsle buland : Court.
Postmortem :
Kya yahi hai buland Bharat ki buland tasvir.

Zindagi ki jung

Headline 13.11.07
Samuhik vivah samaroh.
Postmortem :
Kyun bhai zindagi ki jung me kudne
ke liye bhi sath dhoondhte ho,
akele dar lagta hai kya ?

Sangharsh ki raah

Headline 13.11.07
Nura kushti nahi hoga sangharsh.
Postmortem :
Jug-jug jiyo munna, chacha ke chode kaam
bhatija pure nahi karega to aur kaun karega ?

Manav dusht-vanar rusht

Headline 12.11.07
Dusht vanar ka kehar, 25 ko kaat khaya.
Postmortem :
Pehle to manav dusht hua,
tabhi to vanar rusht hua.
(Published on 13.11.07)

Karvai par mithai bhari

Headline 12.11.07
Bus wale ne ki pitai,
par police ne nahi ki karvai.
Postmortem :
Police bhi kaise kare karvai
jab tyohar ke mausam me mili ho mithai.

Corporate capital Delhi

Headline 12.11.07
2020 Me corporate capital hogi Delhi.
Postmortem :
Ji haa corporate capital to ban hi jayegi,
bhale hi rehne ke kabil ho ya na ho.

Bhai ko bhai mila

Headline 12.11.07
Timarpur me thanedaar ke ghar hi chori.
Postmortem :
Bhai ko bhai mila kar kar lambe hath.

Big B hue maalamaal

Headline 12.11.07
Big B hue maalamaal
Postmortem :
Agar yeh khabar hai to kal ap
kahenge ki 'Suraj ko mila diya'
ya 'Samundar ko mila jharna'

Hissedari aur maza

Headline 11.11.07
Police ko gacha, nahi chal paoge bacha.
Postmortem :
Arey kyun pareshan hote ho
hissedari kar lo, aur zindagi ka maza lo.
(Published on 12.11.07)

Mard batooni

Headline 11.11.07
Aurat nahi janab, mard hote hai batooni.
Postmortem :
Bilkul sahi farmaya apne zaroor hote hai,
agar aurat bolne ki ijazat de to.

Pakistan me haalat

Headline 11.11.07
Pakistan me haalat sudhre to hategi emergency.
Postmortem :
Na nau man tel hoga, na radha nachegi.
(Published on 12.11.07)

Tyohar ke baad saugat

Headline 11.11.07
Tyohar ke baad shanivaar, kya baat hai ?
Postmortem :
Aur uske baat itwar, yeh bhi ek saugat hai
(Published on 12.11.07)

Bhagwan ki kripa

Headline 11.11.07
Bhagwan ki kripa ka patr banne ke liye
karo niyamo ka palan.
Postmortem :
Aur niyamo ka palan bhi to vohi kar sakta hai
jispar bhagwan ki meharbani ho.

Ghayalo ki ginti

Headline 11.11.07
Atishbazi ke dauran 200 ghayal.
Postmortem :
Itne to aag se hi ghayal hue, lekin
jo nazaro se ghayal hue unki ginti nahi ki kya ?
(Published on 12.11.07)

Zindagi ka bojh

Headline 09.11.07
Bazurg bhi saaman dhone ko majboor.
Postmortem :
Sharam karo, zindagi ke jis modh par
khud ka bojh bhi bhari lagta ho,
us mar me saaman ka bojh dhona pade, lanat hai.

Vallentine ke taufe

Headline 09.11.07
Chunav 15 farvari se pehle.
Postmortem :
Arey Musharaf saheb, ap kahin janta se
Vallentine ke taufe ki umeed to nahi kar rahe.

Mamla gadbad hai

Headline 09.11.07
Chooho ne khadeda trained kuttey ko.
Postmortem :
Jab choohe kuttey ko aur kuttey sher ko
khadene lagey to samjho mamla gadbad hai.
(Published on 11.11.07)

Paise ki barbadi

Headline 09.11.07
Jung filmo ki, jeet-haar companio ki.
Postmortem :
Bojh janta pe, barbadi paiso ki
ghar bharenge netao ke aur bigrenge bache.

Blue line ke driver

Headline 09.11.07
Pioloto ki kami dur karne ke kadam.
Postmortem :
Kahin apki nazar un blue line bus ke drivero
par to nahi, jo ajkal khali bethe hai.

Janta pareshan.

Headline 09.11.07
Bijli companio par Delhi sarkar meharbaan
Postmortem :
Aur ap dono se hai yeh janta kitni pareshan,
iska bhi andaza hai apko srimaan.
(Published on 11.11.07)

Dimagi pradushan

Headline 08.11.07
Pradushan mukt shehar banane ki yojna.
Postmortem :
Hava ke pradushan se to mukt kar loge
lekin bhaiya jo pradushan inke dimag
me bas chuka hai uska kya karoge ?

Ayurved ka bajat

Headline 08.11.07
Ayurved ke liye 4000 crore ka bajat.
Postmortem :
Dil par hath rakh ke sahi-sahi batana,
ye sara ka sara bajat
ayurved par hi kharch karoge na ?

Bartano ki bikri

Headline 08.11.07
Dhanteras par khub bikey bartan.
Postmortem :
Dekhte jayo bhaiya, diwali par bhi
bikenge bartan,
(tash khelne walo ke)

Crore-patio ki tadad

Headline 08.11.07
Asia me crore-patio ki tadad me bhari ijafa.
Postmortem :
Arey bhai pati to me bhi hoo,
bas crore hi to sath lagna baki hai.

Adalato ki raftar

Headline 08.11.07
Kachua chal se chal rahi hai pakistani adalatey.
Postmortem :
To Bhartiya adalato ki bhi raftar kaun si tez hai.

Pyar ka vigyan

Headline 08.11.07
Pyar ka vigyan, ankho me ankhe daal.
Postmortem :
Zara bach ke bhaiya, Is pyar ke chakar me
kahin ankho ki bimari na le bethna.

Yatayaat police ki chusti

Headline 07.11.07
Jaam ke agey asahaye dikhi yatayaat police.
Postmortem :
Ab sukhe sukhe hi khade rakhoge
to aise hi hoga bhaiya, zara si hariyali
dikhao phir dekho inki chusti.

Shiksha aur shikshak

Headline 07.11.07
Shiksha par barsega sarkari dhan.
Postmortem :
Lekin shikshko par to barasti hai sarkari lathia.

Cheen ke jugnu

Headline 07.11.07
Cheen ke jugnuo se roshan kariye ghar.
Postmortem :
Vaise bhi ab har apne kaam ke liye dusro
ki madad lena apni adat si ban chuki hai.

Mehnat ki punji

Headline 07.11.07
Apni mehnat ki punji hi kaam ayegi.
Postmortem :
Agar mehnat ki punji hi kaam ayegi
to bhaiya sarkari karamchari kya karega ?

Ilaj ka sasta tarika

Headline 07.11.07
Ilaj ke liye bijli khambe par ja chada.
Postmortem :
Shukr karo ke khambe par hi ja chada,
verna ilaj ka kharcha sun kar to heart
bhi fail ho sakta tha.

Ghotale ka pardafash

Headline 07.11.07
Nigam me ek aur ghotale ka pardafash.
Postmortem :
Yahi to dekhna hai bhai,
kaun pehle haar maanta hai,
ghotale karne wale ya
ghotalo ka pata lagane wale.

Bhed khulne ka dar

Headline 06.11.07
Is baar janta ko dur rakhne ki tyari.
Postmortem :
Kyun paas ane se bhed khulne ka dar hai kya ?

Buse bina conductor

Headline 06.11.07
Bina conductor hongi feedar buse.
Postmortem :
Conductor ho ya na ho lekin
driver blueline ka nahi hona chahiye.
(Published on 07.11.07)

Shatkiye Delhi

Headline 06.11.07
Virat ke shatak ne Delhi ko sankat se ubara.
Postmortem :
Baaki sab shatak to theek, lekin
blueline ka hi shatak nahi gwara.

Late latif Rahul

Headline 06.11.07
Form me lautey Rahul Dravid.
Postmortem :
Theek hai bhaiya, lekin gaadi chutne
ke baad station par pahunche to kya pahunche.

Uphar ki parakh

Headline 06.11.07
Dry fruit ka uphar, parakh le ek baar.
Postmortem :
Parakh to le bhaiya par pucho us
dukandaar se, kya voh bhi hoga
iske liye tyaar ?

Jaam ka saamna

Headline 06.11.07
Ravivaar tak karna hoga jaam ka saamna.
Postmortem :
Ab to adat si padh gai hai, is jaam se kya
ghabrana, agar ho apke paas koi iska upaye
hame zaroor batana.

Dil ke mariz

Headline 05.11.07
Dhoni nahi Dravid ki dewani hai Priyanka.
Postmortem :
Dhoni, Dravid, Yuvraj ya koi aur,
zara soch samjh ke bolo janab
dil ke marizo ki kami nahi hai yahan.
(Published on 06.11.07)

Delhi nmbr one

Headline 05.11.07
Rajdhani ko nmbr one shehar banayenge : Chauhan
Postmortem :
Yeh lakshey upar se nmbr one banane ka hai
ya ke neeche se nmbr one banane ka ?

Rajdhani ke khiladi

Headline 05.11.07
2020 me sports rajdhani
ban chuki hogi Delhi.
Postmortem :
Sports me to ab bhi kafi upar hai,
zindagio aur izzat se khelne walo
ki kami nahi hai yahan.

Pak ki halat

Headline 05.11.07
Pak me neta, judge aur vakil sab band.
Postmortem :
Atankvaad, bhrashtachar aur khoon kharaba
yeh sab to khula hai na bhai.

Naye saal ki saugat

Headline 05.11.07
Naye saal ki saugat, asha, yojna ke sath.
Postmortem :
Lata, kanta aur sarita ke bare
me ap ka kya vichar hai hazoor ?

Imandari ke pratik

Headline 04.11.07
Modi sarkar nafrat, nainsafi
aur bharashta chaar ki pratik : Sonia
Postmortem :
Bhaichara, prem aur imandari ke
jo pratik hai unka pata bata sakti hai ap.
(Published on 05.11.07)

Bhagwan aur khel

Headline 04.11.07
Rashtrakul khelo ke bahane
chale mandir sanwarne.
Postmortem :
Yeh to waqt waqt ki baat hai,
Kabhi khelo ki vajah se
bhagwan ke ghar ko aur kabhi
bhagwan ki vajah se khel sanwarte hai

Doctor ko dengu

Headline 04.11.07
RML ka doctor bhi dengu ki chapet me.
Postmortem :
Kyun bhai, jab police walo ke
yahan chori ho sakti hai,
to doctor ko dengu kyun nahi ?

Naya salaybus

Headline 04.11.07
Chatra ne rachi thi lootpat ki sazish.
Postmortem :
Bhai aj ke is mahol ko dekhte hue
kahin usne is lootpat ko bhi course
ka hisa to nahi samajh liya tha ?

Parivahan sewa ka shulk

Headline 04.11.07
Parivahan sewa har 500 meter par.
Postmortem :
Aur sewa shulk
vasulne wale har 100 meter par.
(Published on 05.11.07)

Prem ke side effects

Headline 04.11.07
Chuni se gala ghont
maar dala premika ko. Premi giraftar
Postmortem :
Kyun bhai prem ke izhar ka
yeh koi naya tariqa hai kya ?

Admission formula

Headline 03.11.07
Admission formula jald.
Postmortem :
Formula to ek hi rahega sir,
ap to bas sirf rakam hi tay kar sakte hai.
(Published on 04.11.07)

Clean chit par sawal

Headline 03.11.07
Tytler ko clean chit par utha sawal.
Postmortem :
Arey bhai kaisa sawal ?
Clean chit kaisi mili, yeh sawal
ya kitne me mili, yeh sawal ?

Tez yadasht ke tarike

Headline 03.11.07
Yaadasht ke liye batiyaya kare.
Postmortem :
Lekin kis se batiana hai
yeh kaun yaad dilayega.
(Published on 04.11.07)

Internet ki meharbania

Headline 03.11.07
Internet dila raha hai mahilao ko naukari
Postmortem :
Arey naukari kya cheez hai bhai,
yahan to kaio ko isne pati tak dila diya.

Peene ka naya bahana

Headline 03.11.07
Kasrat ke baad pani se behtar hai beer.
Postmortem :
Chalo acha hai, peene walo ko peene ka
ek aur bahana mil gaya.

Bandar Bant

Headline 02.11.07
Yahan bandaro ko bhi ati hai ginti.
Postmortem :
Bandaro ki ginti ko dekhte hue hi to
'Bandar Baant' wali kahawat mashhoor hui.

Delhi ki abadi

Headline 02.11.07
Delhi ke liye shubh hai bahar se logo ka ana.
Postmortem :
Kyun bhai Delhi ki khud ki abadi
kam lagti hai kya.

Bereham par reham

Headline 02.11.07
Bereham blueline par koi reham nahi.
Postmortem :
Koi samaj ka dushman hi hoga jo inpe
reham ki sochega bhi.

Rajniti ki agli fasal

Headline 02.11.07
JNU me chunavi ghamasaan aj.
Postmortem :
Lagta hai rajniti ki agli fasal ki tyari hai.

Doctor bekar

Headline 02.11.07
UK me hazaro doctor bekar.
Postmortem :
To vahan kya kar rahe ho sarkar
yahan aa jao, ek sath dharne par bethenge.

Sweater udhog

Headline 02.11.07
Sarkari schoolo me
50 fisadi mahila shikshak
Postmortem :
Bacho ki padai ka to pata nahi
lekin haa sweater udhyog zaroor
taraqi kar lega.

Cricket bina dabav

Headline 02.11.07
Jeet ka dabav nahi achi
cricket khelenge : Malik
Postmortem :
Sirf cricket par hi dhyan dena
agar kahin dabav me aa gaye to
voh bhi bhool jayoge.

Cricket ki jung

Headline 02.11.07
Jung ka roop nahi legi series.
Postmortem :
Agar khel bhavna se khelte rahoge to.

Vidai samaan purvak

Headline 01.11.07
Team se hatayen par samaan ke sath.
Postmortem :
Kya matlab hai bhai apka,
band baaje ke sath,
bagi me betha kar
ghar tak chod ke ayen kya ?

Mahila police ki himat

Headline 01.11.07
Jehadio se loha lengi mahila police.
Postmortem :
Arey bhai purusho ko vasuli se fursat
mile tab na.
(Published on 02.11.07)

Bhartiya police

Headline 01.11.07
Everest ki choti par hogi chini police.
Postmortem :
Kyun bhai, Bhartiya police ko saans ki
taqlif hai ya ke nazla aur zukam ki shikayat hai.