Aao manaye leap year

Headline 29.02.08
Aao manaye leap year.
Postmortem :
Nahi yaar aap manao, me zara busy hu
agle saal mana loonga.

Bhool ka ehsas

Headline 29.02.08
Sanjay-Manyeta ne wapis liya
vivah ka avedan.
Postmortem :
Kamaal hai, itni jaldi apni bhool
ka ehsas ho gaya kya ?

Sansad ka kaamkaaj

Headline 29.02.08
Sansad me nahi hua kaamkaaj.
Postmortem :
Acha ji, kamaal hai sansad me kaam
bhi hota hai ? Hame to pata hi nahi tha.
(Published on 01.03.08)

Umeed me doctors

Headline 29.02.08
Operation se nikala bada brain tumer.
Postmortem :
To kya abhi tak aap log intzaar kar rahe they
uske khud se nikalne ka.

Chalko ko prashikshan

Headline 29.02.08
Bus chalko ko prashikshan.
Postmortem :
Kaahe ka prashikshan,
bus chalane ka ya
tehzeeb se bolne ka ?

Bhartiyo se panga

Headline 28.02.08
Britain me bhukamp ke jhatke.
Postmortem :
Hum Bhartiyo se panga mat lena nahi to
kudrat bhi maaf nahi karegi.

Delhi me pani ki killat

Headline 28.02.08
Delhi me pani ki killat.
Postmortem :
Wohi to, ab na chahte hue bhi
daru ki adat dalni padegi.

Acha vichar

Headline 28.02.08
Na lage kheti baadi par tax.
Postmortem :
Vichar acha zarur hai, agar amal me laao to...

Bahut be-abru........

Headline 28.02.08
Britain chodenge Bhartiye udhmi.
Postmortem :
Aah bahut be-abru ho ke
tere kuche se ham nikle.

Dispensary aur davaian

Headline 28.02.08
Ghar tak pahunchegi dispensary.
Postmortem :
Aur davaian pahunchegi bazar me
bikne ke liye.

Jab jago tabhi savera

Headline 28.02.08
Lashkar ne odha aman ka chola.
Postmortem :
Jab jago tabhi savera,
bhagwan sadbudhi banaye rakhe.

February hai bhaijaan

Headline 27.02.08
Yeh February hai bhaijaan.
Postmortem :
Arey hazoor 3 din hi to bache hai
uske baad to saal bhar intzaar
karna padega, yeh kehne ke liye.

Siyasat ka khel

Headline 27.02.08
Chunav ki patri par riayto ki rail.
Postmortem :
Beshaq lalu ji ka nahi hai koi mel
phir bhi hai yeh siyasat ka khel.

Lalu ke vaadey

Headline 27.02.08
Durghatna mukt rail yatra
ke liya lalu ne kiye vade.
Postmortem :
Vade to apne kar liye lalu ji par zara
drivero se bhi salah mashvara kar lete.
(Published on 28.02.08)

Dhoni ke vichar

Headline 27.02.08
Hame uksaye na austrelie : Dhoni
Postmortem :
Kyun ki uksane se ham jaldi out ho jate hai.
(Published on 28.02.08)

Chinta ka vishya

Headline 27.02.08
Apni farm se chintit nahi sachin
Postmortem :
Arey chinta to vigyapano ki hai
kahin kam na ho jaye.
(Published on 28.02.08)

Baki Bhashao ka gunah

Headline 26.02.08
Punjabi ko adhikarik bhasha ka darja
dene ki maang.
Postmortem :
To baaki bhashao ne kya gunah kiya hai bhai.

Atankvaad islam virodhi

Headline 26.02.08
Atankvaad islam virodhi
Postmortem :
Sirf islam virodh, to dost kiska hai yeh.

Mall ko maal

Headline 26.02.08
Chand varsho me 50 fisadi
mall ho sakte hai band.
Postmortem :
Mall ko jab maal nahi milega
to band hi hoga na.

Mobile chakarviyu

Headline 26.02.08
Apke badan se urja le sakte hai mobile
Postmortem :
Urja ka to pata nahi lekin ha jeb se
maal zarur le lete hai yeh mobile.

Yamuna ka stur

Headline 26.02.08
Yamuna ka stur ek foot gira.
Postmortem :
Bhrashtachaar, apharan, lootmaar,
daketi, ghotale aur rishwatkhori, in
sab ka stur to kai-kai foot badh gaya na.

Bethne ka jugar

Headline 25.02.08
Bed nahi bedsheet rakhte hai yeh.
Postmortem :
Sahi hai bhai, na jane kab, kahan, kis
chaurahe par bethna padh jaye.

Teffic wale vetan ko mohtaj

Headline 25.02.08
Teffic sambhalne wale vetan ko mohtaj.
Postmortem :
Kya farak padta hai, iski kasar
sadko par jo puri ho jati hai.

Netao ki behakti zuban

Headline 25.02.08
Netao ki behakti zuban se purabio
me badh raha khauf.
Postmortem :
Khauf khane ki zarurat nahi,
raat ki chadi subah jab utar jayegi
to sab theek ho jayega.
(Published on 26.02.08)

Bijli ka jhatka

Headline 25.02.08
Nahi lagega bijli ka jhatka
Postmortem :
Bakre ki maa kab tak kher manayegi
bijli se bachoge to kahin aur fasoge.
(Published on 26.02.08)

Shadi ki umar

Headline 25.02.08
Angutha chusne ki umar me
ho rahi hai shaadia.
Postmortem :
To kya shadi ki umar me
inhe vaan prasth ashram bhejoge ?

Darde dil 'Darde disco'

Headline 24.02.08
Darde dil ko chahiye sangeet ki kurak
Postmortem :
Arey yaar seedhe kaho na ki
darde dill ko chahiye 'Darde disco'
(Published on 25.02.08)

Khas mantri-khas bajat

Headline 24.02.08
Aam bajat se alag hai rail bajat.
Postmortem :
Hamare rail mantri bhi to alag hai
baaki mantrio se.
(Published on 25.02.08)

Kavi ki kavitaye

Headline 24.02.08
Akeli raah par chalta ek kavi
Postmortem :
Akela to chalna hi tha,
sath chal kar sare raste
uski kavitaye kaun sunta.

Logo se nivedan

Headline 24.02.08
August me shuru ho jayenge
8 naye aspatal.
Postmortem :
Logo se nivedan hai kripya
august se pehle bimar na ho.
(Published on 25.02.08)

Sarkar ka chitha

Headline 24.02.08
Sarkar ka chitha kholegi BJP
Postmortem :
Sheeshe ke gharo me rehne wale
dusro par pathar nahi fenka karte.
(Published on 25.02.08)

Jaam ki samasya

Headline 23.02.08
Gurgaon toll bridge par jaam mamuli samasya.
Postmortem :
'Ek do jaam' tak to pata hi nahi chalta
zyada ho jaye to ghar chod ke ana padta hai.
(Published on 24.02.08)

Metro ka sabak

Headline 23.02.08
Metro token ke liye bazurg
nahi lagenge line me.
Postmortem :
Ration walo ko, bijli walo ko,
aur phone walo ko bhi metro se
seekh leni chahiye.
(Published on 24.02.08)

Sharif se duri

Headline 23.02.08
Zardari par Americi dabav, sharif se rakhe duri.
Postmortem :
Gunda gardi ka hai bol bala
Sharif se dur rehne ka farmaan kar dala.

Delhi ka dum

Headline 23.02.08
Delhi ko udane ki dhamki.
Postmortem :
Yeh Delhi hai koi hava ka gubbara nahi,
khud mit jaoge, hamara kuch bigrega nahi.
(Published on 24.02.08)

Ek Hindustani

Headline 23.02.08
Desh baantne ki izajat nahi.
Postmortem :
Desh ko baant sake itna kisi me
dum nahi, bhale lakh 'Jaichand'
aye, ek hindustani kisi se kam nahi

Delhi pyasi kyun ?

Headline 22.02.08
Akhir Delhi pyasi kyun ?
Postmortem :
Roz to akhbaro me aap hi dete ho
' jalapurti prabhavit rahegi '
phir hamse puchte ho...
(Published on 23.02.08)

Viaral bukhar ka ya pyar ka

Headline 22.02.08
Viaral ki giraft me rajdhani.
Postmortem :
Kaisa viaral, bukhar ka ya pyar ka ?

Janta ki pahunch

Headline 22.02.08
Ab janta rokegi milavat.
Postmortem :
Yeh janta hai, sab kuch kar sakti hai
aap mauka to do.

Ham nahi sudhrenge

Headline 22.02.08
Delhi sarkar ke kai adhikario ke tabadale.
Postmortem :
Kya farak padta hai inhe kahin bhi bhej do
yeh nahi sudharne wale.
(Published on 23.02.08)

Misile sale par

Headline 22.02.08
Aur America bechna chahta hai misile.
Postmortem :
Agar 1+1 ki scheme me de raha ho
to ham bhi soch lete hai.

Subha sham jaam hi jaam

Headline 22.02.08
Jaam se jhujhte rahe Delhi wasi.
Postmortem :
Subah sadko par aur shaam ko clubo me....
(Published on 23.02.08)

Araam haram hai

Headline 21.02.08
Sarkari naukri me hoga araam haram.
Postmortem :
Chalo koi baat nahi, koi aur naukri dhund lenge

Koshish jari rakho

Headline 21.02.08
9 Varsho me 13 parivahan ayukt aur
DTC ke 11 CMD badle.
Postmortem :
Koshish jari rakho, koi to dhang ka milega
(Published on 22.02.08)

Na dosti achi na dushmani.

Headline 21.02.08
Beghar bache bana rahe hai police ko dost.
Postmortem :
Bacho dhyan se beta, yeh police uncle hai
inki na dosti achi ,aur na dushmani.

Vikas ki aad me vikas

Headline 21.02.08
Delhi ke vikas ke liye mile 45 hazar crore
Postmortem :
Delhi ka to pata nahi lekin ha
kaion ka vikas zarur ho jayega.
(Published on 22.02.08)

Pak ka haazma

Headline 21.02.08
Malika ko pacha nahi pa raha Pak.
Postmortem :
Burka choli ko pacha sake, yeh mumkin nahi
yeh Hindustan hi hai jo har sheh khapa leta hai.

Sabit kaun kare...

Headline 20.02.08
Yani nakli davaian nahi bikti.
Postmortem :
Arey sir bikta to sab kuch hai
par sabit nahi hota.

Car lage bekar, pehli ko

Headline 20.02.08
Dil ka dushman hai car ka dhuan.
Postmortem :
Mujhe to car hi dushman lagti hai
har pehli tarikh ko jab uski kist deni padti hai.
(Published on 21.02.08)

Kidney king

Headline 20.02.08
Arey iske pas to 4 kidney hai.
Postmortem :
Fikar karne ki zarurat nahi hai
Dr. Amit aur unka bhai dono
police coustady me hai.
(Published on 21.02.08)

Shoyab ka dil

Headline 20.02.08
Mumbai par aya shoyab ka dil.
Postmortem :
Pehle Hyderabad, phir Mumbai
agla No. Delhi ka hoga kya ?

kanooni manyta

Headline 20.02.08
Sanju-Manyta ki shaadi ko
nahi mil rahi kanooni manyta.
Postmortem :
Kanoon bechara bhi kya kare,
har 6 manine me to yeh nai arzi laga dete hai.

Sahi se hafta

Headline 19.02.08
70 Mamlo me shamil enami
badmash giraftar.
Postmortem :
Lagta hai 69 mamlo tak
'hafta' sahi se jata raha hoga.
(Published on 20.02.08)

CBI walo se anurodh

Headline 19.02.08
Dr. Jiwan 11 dino ki police remand par.
Postmortem :
Kripya dhyan dijiye,
CBI walo se anurodh hai ki voh
apni-apni kidney sambhal kar rakhe.

Ghar ka vit mantri

Headline 19.02.08
Aap hi to apne ghar ke vit mantri.
Postmortem :
Apke kehne se kya hota hai bhai saheb
bivi mane tab na.
(Published on 20.02.08)

Delhi dil walo ki

Headline 19.02.08
Rajdhani me 95 fisadi
bhikari bahar ki den hai.
Postmortem :
Isi liye to kehte hai, Delhi dil walo ki,
yahan koi bhi panah le sakta hai,
chahe bhikari hi kyun na ho.

Maya ki maya

Headline 19.02.08
UPA sarkar ka khula pitara,
naram padi maya.
Postmortem :
Maya ki maya, maya hi jaane
bade nadaan hai vo, jo ise na pehchane.
(Published on 20.02.08)

Roti mehngi,patli daal

Headline 18.02.08
Mehngi hogi roti, patli hogi daal.
Postmortem :
Is mehngai ke daur me
acho-acho ke udenge baal.

Parko ki badhali

Headline 18.02.08
Parko ki badhali, kagzo me haryali.
Postmortem :
Inke yahan to hai khushhali,
inki sehat par koi asar nahi
bhale inhe tum do gaali.
(Published on 19.02.08)

Manav ango ka karobar

Headline 18.02.08
Net par manav ango ki khule aam bikri.
Postmortem :
Aur bhi gum hai jahan me
kai kidney king milenge is hamam me.

Dusri par hungama

Headline 18.02.08
Talaq diye bager dusri shaadi
karne par hungama.
Postmortem :
Bada jigar rakhte ho,
pehli ko niptaya nahi
aur dusri ki tamana karte ho.

Alvida ! appu ghar

Headline 18.02.08
Alvida ! appu ghar.
Postmortem :
Appu ghar ki jagah kya banaoge
bacho ka bachpan cheen ke kya paoge.
(Published on 19.02.08)

February hai bhaijaan

Headline 18.02.08
Yeh February hai bhaijaan.
Postmortem :
Yeh to aap kal bhi bata chuke hai bhaijaan
roz-roz batane se March to nahi ho jayega.

Gandi raajniti ka asar

Headline 17.02.08
Keemato me badotri ke khilaf pradarshan.
Postmortem :
Pradarshan karo ya fodo sir
is gandi raajniti me inpar na hoga asar.
(Published on 18.02.08)

Bihar karega margdarshan

Headline 17.02.08
Dusre pradesho ko raah dikhayega Bihar : Pratibha
Postmortem :
Aur kisi me itna dum khum nahi jo Bihar
ko raah dikha sake.

Police ki chavi

Headline 17.02.08
Kuch log bigartey hai police ki chavi.
Postmortem :
Theek hai bhaiya log hi to
bigartey hai inki chavi yeh to becharey
dharam karam me hi lage rehte hai.

February ka mahina

Headline 17.02.08
Yeh feb. hai bhai jaan.
Postmortem :
Shukria bhai jaan batane ka
verna hame to pata hi nahi tha
yeh February hai.
(Published on 18.02.08)

Nisha-disha aur dhyan

Headline 17.02.08
Dhyan disha badal deta hai.
Postmortem :
Aur nisha dhyan badal deti hai, kya karu ?
(Published on 18.02.08)

Khare pani me

Headline 16.02.08
Khare pani me nahi galegi atankio ki daal.
Postmortem :
Lekin afsos bhi to isi baat ka hai ki
pani ko meetha banane walo ki bhi
to kami nahi hai yahan.

Kidney king ki sampati

Headline 16.02.08
Amit ki akoot sampati khangalne ki kavayed.
Postmortem :
Aur jo usne kuch mahanubhavo ko
baant diya uska hisab kaun dega ?

Daaman par daag

Headline 16.02.08
Delhi police ki vardi par laga daag.
Postmortem :
Kamaal hai, vardi par daag lagne laayak
jagah bachi thi kya, voh to pehle se hi
daago se bhari hai.

Tulsi tere angan ki

Headline 16.02.08
Samriti irani Gujrat se
rajya sabha pahunchegi.
Postmortem :
Zarurat bhi hai, kyunki kehte hai
'Tulsi' ghar me hone se shanti hoti hai.

Blue line ka aathva shikar.

Headline 16.02.08
Naye saal me blue line ka aathva shikar.
Postmortem :
Arey aap to abhi ghabra gaye,
Abhi to shuruyat hai meri sarkar.
(Published on 17.02.08)

Had ki Had

Headline 15.02.08
Chitakashi had me ho to achi : Pathan
Postmortem :
Aur us had ki had kya hogi,
kripya iska bhi khulasa kare.
(Published on 16.02.08)

Airport ya Station

Headline 15.02.08
Airport ko maat dega nai Delhi station.
Postmortem :
Kahin aisa to nahi ki hawai jahaz station se
aur gaadia airport se chala karengi ?
(Published on 16.02.08)

Nigam aspatal

Headline 15.02.08
Nigam aspatalo ko denge adhunik look.
Postmortem :
Doctors aur nurses ko fancy dress pehnaoge kya ?
aur koi umeed to hai nahi.

Vallentine day : double shift

Headline 15.02.08
Vallentine day : idhar pyar, udhar fatkar.
Postmortem :
Ab double shift karoge to yahi sab hoga na.

Hathi ke paon me sabka paon

Headline 15.02.08
Pak me aam chunav sabhi chunavo ki janani.
Postmortem :
Isi liye to kehte hai bhai,
hathi ke paon me sabka paon.

Mohabat ya khumari ?

Headline 14.02.08
Yeh mohabat nahi khumari hai,
betuki bimari hai.
Postmortem :
Jinhe mohabat naseeb nahi hoti
yeh kehna unki laachari hai...
(Published on 15.02.08)

Sirf 2 shehar.

Headline 14.02.08
Apne pero par khade hai sirf 2 shehar.
Postmortem :
Aur baaki kya baisakhio par khade hai ?
(Published on 15.02.08)

Ek hath de-Ek hath le

Headline 14.02.08
Vahan chal rahi thi shadi aur
yahan chor ghar khangalne me jute they.
Postmortem :
Yeh to ek hath de aur ek hath le wala kissa hai,
yeh ladki walo ko khangaal rahe honge aur chor
inke ghar ko, hisab barabar.
(Published on 15.02.08)

Minto ka kaam ghanto me

Headline 14.02.08
Chand ghanto me hi andar bahar hue raj.
Postmortem :
Arey bhai yeh kaam to chand minto ka tha
phir ghante kaise lag gaye.

Nigam ya kendra

Headline 14.02.08
Kendra sarkar hi de sakti hai rahat : Nigamayukt
Postmortem :
Kamaal hai maal khaye nigam
aur rahat de sarkar, bahut na-insaffi hai

kidney king ki remand

Headline 13.02.08
Dr. Suraj 14 din ki police remand par.
Postmortem :
Kripya note kare :
apni-apni kidney ki khud hifazat rakhe
vibhag zimevaar nahi hoga...

Cock aur soda-No tension

Headline 13.02.08
Jalapurti prabhavit rahegi.
Postmortem :
Jab tak cock aur soda bazar me hai
tab tak no tension.

Asabhya karyekram

Headline 13.02.08
Asabhya karyekram nahi hone denge.
Postmortem :
Aur sabhya vo karenge nahi,
to koi beech ka rasta apna lo bhai.
(Published on 14.02.08)

Aur tez ava chalegi...

Headline 13.02.08
Aur tez ava chalegi...
Postmortem :
Koi baat nahi, hum bhi intzaar me hai ki
kab kisi ka dupatta ud ke apne upar aay...

20 minutes me ishq

Headline 13.02.08
Bas 20 minutes me ishq farmana,
verna jurmana.
Postmortem :
Jald baazi me galat darwaza
mat khat khatana, verna padega pachtana.
(Published on 14.02.08)

Licence bikta hai

Headline 12.02.08
Licence bikta hai, bolo......
Postmortem :
Soch raha hu, gaadi seekhne se pehle
kharidu ya baad me...?
(Published on 13.02.08)

D sealing ka josh

Headline 12.02.08
7 Sampation par jada tala.
Postmortem :
Lagta hai D sealing ka josh thanda kar dala.

Shaadian hi shadian

Headline 12.02.08
Lagan shubh, shaadian hi shadian.
Postmortem :
Arey bhai vo kaise saye jo hum na beyahey.

Sahi waqt ki khabar

Headline 12.02.08
Deri se chal rahi hai rail gaadia.
Postmortem :
Nai baat kya hai isme, khabar to tab
banti, jab sahi waqt par chalti.

Kahin nigahey kahi Nishan

Headline 11.02.08
Nishana tha Mumbai, UP me dharey gaye.
Postmortem :
Jana tha japan pahunch gaye cheen samajh na.

Patni ko loan

Headline 11.02.08
Patni ko loan dena, kitni buri baat hai
Postmortem :
Bura to isme kuch nahi hai,
bas wapsi ki umeed mat karna.

Ghag kidney king

Headline 11.02.08
Ghagh hai Amit, kabool nahi raha
Postmortem :
Aise kaise kaboolega, usko bolo
ki 10 lakh ki deal hai phir dekho...

Bharat ka bachpan

Headline 11.02.08
Gumsam aankho me bhavishya ki chinta.
Postmortem :
Laanat hai, jis desh ka bachpan aisa hoga
usse kya umeed ki ja sakti hai.
(Published on 12.02.08)

Mera Bharat mahan

Headline 11.02.08
Bhuke peit sone walo me 3 rajya sabse upar.
Postmortem :
Kya yahi hai mere desh ki shaan,
Mera Bharat mahan.
(Published on 12.02.08)

Vallentine ka sath

Headline 10.02.08
Kahin vallentine par
be-muravat na ho jaye mausam.
Postmortem :
Arey janab agar apna vallentine
sath ho to pat jhar me bhi bhaar hai.

Shikshit ladkian

Headline 10.02.08
Ladkio ko mile achi shiksha : Shiela Dixit
Postmortem :
Taki voh ladko ko achey sabak sikha sake...

Zarurat mand log

Headline 10.02.08
Kidney sargana ko dekhne juti bheed.
Postmortem :
Zaroor dekhna aur dhyan se dekhna
kya pata kal ko iski zarurat hi padh jaye.
(Published on 11.02.08)

Logo ki manodasha

Headline 10.02.08
Shaniwar ko pustak mele me laga logo ka rela
Postmortem :
Lagta hai kahin na kahin
logo ke man me bachpan me pustakey
na padh pane ka malaal raha hoga.
(Published on 11.02.08)

Sawan ke andhey

Headline 10.02.08
BJP ko phir dikh rahi hai shaining.
Postmortem :
Suna tha ki sawan ke andhey ko
hara hi hara dikhta hai......
(Published on 11.02.08)

Shaadi ke 2 pehlu

Headline 09.02.08
Premika se shaadi na hone par
phansi laga jaan di.
Postmortem :
Aur dusri khabar "ek shaadi shuda admi
ne bivi se tang aa kar atam hatya kar li.

FIR ka sri-ganesh

Headline 09.02.o8
Pehli baar darj hui is tarah ki FIR
Postmortem :
Pehle hoti bhi kaise, kyun ki pehle
to maamle ko vahin nipta diya jata tha.
(Published on 10.02.08)

Saif aur karina ka ghat bandhan

Headline 09.02.08
Saif - karina ne kaha nahi kiya nikah.
Postmortem :
jab nikah ke bina hi kaam chalta ho
to nikah karne ki himakat kaun kare.

Parko me parking

Headline 09.02.08
Parko me milegi parking ki suvidhe
Postmortem :
Sair karne wale bazoorg aur khelne wale
bache kahan jayenge sadko par.
(Published on 10.02.09)

Sarkari ashwasan

Headline 09.02.08
Kidney king ne kaha, jane do 20 laakh doonga
Postmortem :
Sarkar ne kaha, tum aa jao
tumhari sari zindagi ka roti kapda aur
makaan ki guarantee hum lete hai.

Nigam ki inayat

Headline 08.02.08
Nigam banayega dwarka me kabristan
Postmortem :
Arey hazoor inki nazrey inayat honi chahiye
kabristan to kahin bhi ban jayega.
(Published on 09.02.08)

Sarkari takat.

Headline 08.02.08
Zameen ka adhigrahan nahi kar sakti sarkar
Postmortem :
Yeh sarkar hai bhai jab yeh taaley
laga sakti hai to kuch bhi kar sakti hai.

Neno ka kamaal

Headline 08.02.08
Neno ka kamaal, purani car behaal.
Postmortem :
Naya nau din, Purana sau din.
(Published on 09.02.08)

Congress ki yaadasht

Headline 08.02.08
Delhi walo ke prati apni
zimedari samajhti hai congress.
Postmortem :
Bas chunav khatam hone ke baad
aur agle chunav shuru hone tak hi bhool jati hai.

Trefic niyamo ka ulanghan

Headline 08.02.08
Kathin hoga trefic niyamo ka ulanghan.
Postmortem :
Sahi me bahut dukh hota hai
jab jeb se 600 rupay nikal ke dene padte hai.

Jalapurti prabhavit rahegi

Headline 07.02.08
Jalapurti prabhavit rahegi.
Postmortem :
Kripya agli suchna tak
soda aur cok ka istmaal karey.
(Published on 08.02.08)

Ser ko sawa ser

Headline 07.02.08
Truck ne blueline ko takkar maari.
Postmortem :
Kyun beta mil gaya na ser ko sawa ser.

Colonio ki suchi

Headline 07.02.08
Shiela ne Reddy ko colonio ki suchi saumpi.
Postmortem :
Kin colonio ki, jinse vasooli ho chuki
ya jinse honi baaki hai.

Saza aur sewa

Headline 07.02.08
Bator saza anath bacho ki sewa karni hogi
Postmortem :
Ise kehte hai kalyug
sewa bhi saza ke taur par ki jati hai.

Gas bin suni rasoi.

Headline 07.02.08
Gas bin suni rasoi.
Postmortem :
Rasoi bin suna ghar,
ghar bin suni ghar wali
ghar wali bin sune hum
aur hamari koi vukat hi nahi.

Dhanda hai par ganda hai

Headline 07.02.08
Mini cylinder ka dhanda chaloo hai.
Postmortem :
Dhanda hai par ganda hai
phir bhi chehakta yeh banda hai.

Bajat par pratikriya

Headline 06.02.08
Bajat par paarshado ki tikhi pratikriya.
Postmortem :
Kyun bhai kuch samajh nahi aya
ya kuch hasil nahi hua.

Bus addey ki kaya palat

Headline 06.02.08
Hawai addey sarikha hoga bus adda.
Postmortem :
Lekin buse to baba adam
ke zamane ki hi rahengi na

Chunav tak sahuliat

Headline 06.02.08
D sealing aaj se.
Postmortem :
Aur yeh sahuliat milegi sirf chunav tak
uske baad ki koi guarantee nahi.

Kidney ka khel

Headline 06.02.08
Home loan chukana nahi bhoola kidney chor
Postmortem :
Kaise bhoolta bhai, uske liye to bas ek kidney
hi idhar se udhar karne ka khel tha.
(Published on 07.02.08)

Khel gaon ka naya khel

Headline 06.02.08
Khel gaon ke sambhand me naya prastav.
Postmortem :
Arey bhai ab kaun sa naya khel aa gaya dimag me.
(Published on 07.02.08)

Nigam ki vasooli

Headline 06.02.08
Nigam ko karni hai lakho ki vasooli.
Postmortem :
Aur jo croro andar kar chuke
uska bhi hisab hai kya ?

Jeevan ki dor

Shayari :
Jeevan ki dor :
Jeewan ki dor, badhi kamzor
socha tha kuch, ho gaya kuch aur
wah re upar wale, tune kya-kya rang dikha daale
is bheed bhari dunia me, rishto ke padh gaye laale
kehne ko hai sab, magar ey rab
tune to apni kismat par hi jad diye taale
kis se karey shikayat, kis se kare umeed
sab palla jhad gaye, jo they apne kareeb
kahan gaye voh rishte, kahan hai voh naatey
bas ab to reh gayi khokhali baatey
wah ri teri maya, kya khoob sabak sikhaya.

Budhape ka dard

Shayari :
Budhape ka dard :
Samajhte they jinhe hum lathi, vo to lath nikle
pade jo unke waar to socha, kab dum nikle
ungli pakad ke jinhe humne chalna sikhaya
khud geele pe magar, unhe sukhe pe sulaya
achi buri raho se unka parichey karaya
par unhone pal bhar me hume, bahar ka rasta dikhaya
tute tinko ki tarah hum bikhar gaye
dil ke arma sab dil me hi dharey reh gaye
sunsaan raho par akele chale jaa rahe they
halaat ke marey, hum waqt ke thapede kha rahe they
achanak tabhi khayal aya, buzargo ka kaha kuch yaad aya
daddy - daddy kaha to sada sukh paya
daddy - daddy kehlaya to sada dukh paya.
(Published on 06.02.08, in Punjab Kesri)

Aam admi ki party

Headline 05.02.08
Aam admi ki party hai congress.
Postmortem :
Judne ke waqt to sabhi aam hote hai
lekin khas hone me yeh bilkul der nahi lagate.
(Published on 06.02.08)

Lo bus ka high risk

Headline 05.02.08
Lo floor bus ka high risk safar.
Postmortem :
High risk to janta ka hai,
inki sehat par kya farak padta hai.
(Published on 06.02.08)

Voto ki raajniti

Headline 05.02.08
Sealing mudey par kendra ka nirdesh mane nigam.
Postmortem :
Manoge nahi to kahan jayoge,
vote maangne to phir yahin aaoge.

Kamai ka dhanda

Headline 05.02.08
Sadak ka nirman karye shuru.
Postmortem :
Chalo acha hai, kuch to kamai ka
dhanda shuru hua.

Kal kya hoga ?

Headline 05.02.08
Kal kya hoga ?
Postmortem :
Arey bhai iska jawab to bade-bade
rishi muni nahi de paye to hum kya hai ?
(Published on 06.02.08)

Hamari shubh kaamna

Headline 04.02.08
Austrelia par gir sakta hai upgrah.
Postmortem :
Austrelia be-shaq hame harata rahe
lekin yeh dua hum kabhi nahi kar sakte.

Team India ka vardaan

Headline 04.02.08
One day par barpa varsha ka kehar
Postmortem :
Kehar nahi vardaan tha,
verna kya match bacha pana asaan tha ?
(Published on 05.02.08)

Netao ki duvidha

Headline 04.02.08
Seal ki gai sampatio ko D seal kiya jaye.
Postmortem :
Jaldi karo bhai, vote maangne bhi to jana hai.
(Published on 05.02.08)

Bharat ka baarva khiladi

Headline 04.02.08
Inder dev ne rakhi Bharat ki laaj
Postmortem :
Auro ke to 11 khiladi hi khelte hai
lekin apne kabhi-kabhi baarva khiladi
bhi khelta hai.

Shanti ki khoj

Headline 04.02.08
Karam se hi milti hai shanti
Postmortem :
Yeh to pata nahi lekin hame to 1200
rupay mahine par mili thi kapde
safai aur bartan ke liye.

Murge ki peeth par gadha

Headline 03.02.08
Murga bana ke peeth par beth gaye guru ji.
Postmortem :
Guru wali harkat to nahi hai yeh
yu kaho ki murge ki peeth par gadha betha.
(Published on 04.02.08)

Pak ki khunas

Headline 03.02.08
America se khunas rakhta hai pak
Postmortem :
Khunas dil me hi rakhna,
bahar nikaloge to itne se bhi jayoge.
(Published on 04.02.08)

Kamai ka dhanda

Headline 03.02.08
Police chet jati to gorakh dhanda lamba na chalta.
Postmortem :
Kyun ulti baat karte ho yaar,
apni kamai ko kaun laat marta hai.
(Published on 04.02.08)

Delhi ka hazma

Headline 03.02.08
China ka kella khaye Delhi ka albela.
Postmortem :
Delhi walo ka hazma to bahut badia hai
kuch bhi kha sakte hai,
china zara Delhi ki chat kha ke to dikhaye.

Don ki hakumat

Headline 03.02.08
Real estate ki compania chala raha tha don
Postmortem :
Agar dhyan se dekhenge to pata chalega
hakumat bhi yahi log chalate hai.

India ka bajat

Headline 03.02.08
Yeh India ka bajat hai bhidu.
Postmortem :
Aur ek Indian hi ise pacha sakta hai bhidu.
(Published on 04.02.08)

Pak ki dilchaspi

Headline 02.02.08
Pak ko nagrik wapis lene me dilchaspi nahi
Postmortem :
Apne sar se utri musibat kaun wapis lena chahega.
(Published on 03.02.08)

Char din ki chandni

Headline 02.02.08
Sealing se rahat par khushi jatai.
Postmortem :
Chunavo ke baad tum hi kahoge,
Char din ki chandni, phir andheri raat hai aai.
(Published on 03.02.08)

Bijli pani ki samasya

Headline 02.02.08
Bijli pani ki samasya par pradarshan.
Postmortem :
Matka phodo ya sar, in par na hoga asar
jo chal padha rajniti ki dagar, vo ho gaya be-asar.

Khelo ke baad flat

Headline 02.02.08
Rashtra kul khelo ke baad flato ki bikri.
Postmortem :
Khelo se to paisa bator lo pehle,
flat to phir apne hi hai.

Metro ka chalan

Headline 02.02.08
Nigam ne kiya metro par chalan.
Postmortem :
Kis jurm ka bhai ?
Red light paar ki thi ya
over speed they.

Bharat ka sapna

Headline 02.02.08
Sapna : bhikari mukt Delhi.
Postmortem :
Sapna hona chahiye :
Karz mukt Bharat aur
Apradh mukt Bharat
(Published on 03.02.08)

Anadhikrat colonia

Headline 02.02.08
1528 Anadhikrat colonio ke le-out plan jama.
Postmortem :
Lagey hatho inhe pass karvane ki
ran-niti bhi tyar karva lete.

Chinta ka vishya

Headline 01.02.08
Kaisa swagat hoga, iski chinta nahi hai : Dhoni
Postmortem :
Chinta to is baat ki hai ki
vigyapan milenge ya nahi
aur milenge to kitne milenge.
(Published on 02.02.08)

Avaidh bastio ka mamla

Headline 01.02.08
Avaidh bastio ka mamla adhar me.
Postmortem :
Sahi waqt par sahi nazrana nahi
pahunchaoge to aisa hi hoga na.

Jr. Bachan ko mubarak

Headline 01.02.08
Ek hi purvaj ki vanshaj hai Ash aur Anjlina
Postmortem :
Nai sali mubarak ho junior Bachan saheb.

Musharaf ki mushkil

Headline 01.02.08
Ghor virodhi ki beti se
videsh me mile musharaf.
Postmortem :
Agar apne desh me milte to
bivi ko kya jawab dete.

Shiksha ka yeh hall

Headline 01.02.08
Shiksha ka yeh hall, bachey na jane sawal.
Postmortem :
Aur adhyapako ka isse bhi bura hall
hai na kamaal ?