Mehngai ki maar

Headline 29.01.09
Rasoi gas ke daam ghatey,
petrol bhi sasta !
Postmortem :
Yeh sarkar badi bekar hai,
gas petrol sasta kar diya, lekin
padai par mehngai ki maar hai !

Bevajah byanbazi

Headline 29.01.09
Chunav tarikho par bevajah byanbazi !
Postmortem :
Imtihan sar par ho aur koi taiyari na ho
to aksar log aise hi shor machatey hai !

Sarkar ki bhumika

Headline 28.01.08
Saanskritik virasat ki raksha me
logo ki bhumika aham !
Postmortem :
Aur unhi logo ki raksha me apki bhi
koi bhumika hai ya nahi ?

Daastane rajniti

Headline 28.01.09
Daagion ko ticket par daagey swal !
Postmortem :
Yahi to badkismati hai hamari is
gandi rajniti ki, yahan to jitne zyada
daag hotey hai utni hi jaldi ticket milta hai !

Khel ankh-micholi

Headline 28.01.09
Prabhakaran ke khilaf warant jari !
Postmortem :
Warant to jari kar diya, ab unhe dhoond
kar zara pakadne ki bhi koshish kar lo !

Dost America

Headline 28.01.09
Musalmano ka dushman nahi hai America !
Postmortem :
Dushman nahi hai isiliye to pakistan ko paisa
aur hatiyar ki kami nahi aati !

Shadi ki salah

Headline 27.01.09
Purey ghar par control sirf remote se !
Postmortem :
Kyun ? Shadi ki salah de rahe ho kya ?

CBI Samanit

Headline 27.01.09
CBI ke 16 adhikari samanit !
Postmortem :
Chalo acha hai Arushi murder
case ka koi natija beshak na nikla
ho lekin samanit to kar hi diye gaye !

Rawan ka romanch

Headline 27.01.09
Rawan dekh kar romanchit
ho uthe bachey !
Postmortem :
Bachey bhi kitne masoom hai,
vo ek hi tarah ke rawan ko dekh
kar romanchit ho rahe hai, unhe
kya pata yahan to har kadam
par rawan milega !

Acha dost

Headline 27.01.09
Hamse acha dost nahi !
Postmortem :
Sahi kaha apne, vese aap
jese dost ho to dushmano
ki zarurat hi kahan hai ?

Police me sudhar ho

Headline 26.01.09
Police me sudhar ho,
lekin karega kaun ?
Postmortem :
Inhe to janta hi sudhar
sakti hai, inhe ghoose dena
band kar do yeh khud b khud
hi sudhar jayenge !

Badi machliyan

Headline 25.01.09
Badi machliyan ab bhi pakad se bahar !
Postmortem :
Dhyan se dekhoge to in badi machlion
ke upar bhi kai bade magarmach hai
jo ki pakad se bahar hai !

PMO me ghotala

Headline 25.01.09
Ab PMO me ghotala,
accountant pakda gaya !
Postmortem :
Lagta hai PM saheb ko ghotale
ki jaankari ho gai hogi tabhi to
unhe dil ki taklif hui aur operation
ki naubat aa gai !

Police ki sajagta

Headline 25.01.09
Police sajag hoti to bach jata abhishek !
Postmortem :
1 : Police ko hafta vasoolne se fursat
milti to sajag hoti na ? Aur agar police
sajag ho jaye to ek nahi kai abhishek
bach sakte hai !

Patni sthai nivasi

Headline 24.01.09
Vivah ke baad patni bhi sthai nivasi !
Postmortem :
Aur agar pati jail me reh kar shaadi
karey to ?

3000 crore kharch

Headline 24.01.09
Sadko par kharch honge
3000 crore !
Postmortem :
Kya sahi me, sadko par hi
kharch honge na ?

Chuna lagane wale

Headline 24.01.09
Banko ko chuna lagane wale
dharey gaye !
Postmortem :
Aur desh ko chuna lagane wale
to sarey aam ghoom rahe hai
unka kya ?

Netaon ki dramebazi

Headline 24.01.09
Bachra lekar town hall
pahunchi paarshad !
Postmortem :
Is tarah ki bachkani harkato
se to yeh neta kam aur kisi
drama club ke member hi
lagtey hai !

Netaon ka dil

Headline 24.01.09
PM ki heart surgery aaj !
Postmortem :
Arey hum to aaj tak yahi
samajh rahe they ki netaon
ke pass sirf dimag hi hota
hai jis se ki vo tana-bana
boontey rehtey hai, inke
pass dil bhi hota hai yeh to
aaj hi pata laga !

Dil se nazuk

Headline 24.01.09
Dil se nazuk hato hai
50 feesadi mariz !
Postmortem :
Aur baki 50 feesadi ke
pass apna dil hota hi kaha hai ?

Gulab jamun ka sach

Headline 24.01.09
Smoking par ban hai kahan ?
hame to nahi dikh raha !
Postmortem :
Gulab jamun me gulab
dekha hai kya ?

Police me sudhar

Headline 23.01.09
Police me sudhar ho,
lekin karega kaun ?
Postmortem :
Police ka sudhar to bhai
janta hi kar sakti hai, agar
inko ghoose dena band kar de to !

Patni par hamla

Headline 23.01.09
Adalat me patni par hamla
kar kiya ghayal !
Postmortem :
Beta adalat me itne logo ke
beech me tha to bach gaya,
agar kahin aisi himakat ghar
me ki hoti to shayad khabar me
patni ki jagah tumhara naam hota !

Pyar kiya chori nahi

Headline 23.01.09
Pyar kiya koi chori nahi ki...
Postmortem :
Arey barkhurdar yeh baat zara
apni premika ke papa ya bhai se
keh ke dekhna fir vo batayenge beta
tune kya kiya !

Miyan mithu Adwani

Headline 23.01.09
Miyan mithu bane adwani !
Postmortem :
Yeh neta jitni bhi ani tarif me
keh de, jitna bhi apne mooh
miyan mithu ban jayein,
lekin in par to ek hi baat sahi
lagti hai, " Na kaam ke na kaaj ke
dhai man anaj ke " !

Umar qaid ya jurmana

Headline 22.01.09
Train me dacaity dalne walo ko umar qaid !
Postmortem :
Umar qaid ke sath sath unko jurmana bhi to
laga hoga, bina ticket yatra jo kar rahe they !

Babu becharey

Headline 22.01.09
Babugiri se mukt hoga JNU !
Postmortem :
JNU to mukt ho jayega lekin zara
un babu becharo ka bhi khyal karo
ki vo kaise guzara karenge jinka kharcha
hi babu giri se chalta hai !

Bebas log

Headline 22.01.09
Drashtiheeno ne kiya
maango ko lekar pradarshan !
Postmortem :
Wah kamaal ho gaya, ankh ke andho
ne pradarshan kiya aur akal ke andho
ko fir bhi samajh nahi aya !

Sadi ki mahilayein

Headline 22.01.09
21v sadi me mahilayein
raj karenge : Mukhya mantri
Postmortem :
Baki mahilaon ka to pata nahi,
lekin aap zarur raj kar rahi hai
itna sab jaante hai !

Jan kalyan formula

Headline 21.01.09
Dus hazar dukano par nahi hogi sealing !
Postmortem :
Wah kya baat hai, sealing se bachne ka
formula agar baki logo ko bhi bata dete
to unka bhi bhala ho jata !

White house ki yaad

Headline 21.01.09
White house ki bahut yaad ayegi : Sr.Bush
Postmortem :
Theek kaha sir apne, aur vaise bhi
neechey se upar jana to bahut acha
lagta hai lekin upar se neechey ane me
bahut taklif hoti hai !

Bharat ke rishtey

Headline 21.01.09
Bharat ke sath mazboot rishtey
banane par zor denge !
Postmortem :
Aur Pakistan ko pichle darwaze se
hatiyar aur paisa dete rahenge,
ab tak to yahi hota aya hai lekin
agey ka pata nahi !

Waqt padne par

Headline 21.01.09
Kalyan ne BJP se nata toda !
Postmortem :
Waqt padne par gadhey ko baap banana,
aur baap ko laat marna na choda !

3 maah ki dava

Headline 20.01.09
Vradho ko 3 maah ki dava ikathey !
Postmortem :
Aur 3 maah ki dava ke baad ya to
Marz nahi aur ya Mariz nahi !

Mobile musibat

Headline 20.01.09
Mobile ban raha hai musibat !
Postmortem :
Vaise to mobile hamara bahut
gehra dost hai, parantu yeh us
waqt sahi me nusibat lagta hai !
jab call details bivi ke hath lag jayen to !

Rajniti ka sabak

Headline 20.01.09
Fianancer bhi ayenge lapete ma !
Postmortem :
Yahin tak mat ruk jana,
aur agey kadam badayenge to kai
aur bhi nazar aa jayenge dubki lagate hue !

Bollywood-hollywood

Headline 20.01.09
Bollywood me kyun baj raha hai
hollywood ka band !
Postmortem :
Yeh bhi kya karein bhai adat se
majbur hai, padosi ka mooh lal ho
to yeh apna thapar maar kar lal
kar lete hai !

Shahi prachar

Headline 20.01.09
Shahi swari par chunav prachar
karenge sanju baba !
Postmortem :
Chunav se pehle jinke yeh thaat hai
vo chunav jeetne ke baad kya karenge !

Avaidh banaye vaidh

Headline 20.01.09
Avaidh nirman banaye vaidh !
Postmortem :
Avaidh ko vaidh banane ka tarika
to sab jaante hai, aap kuch naya
batana chahein to apka swagat hai !

Police ki lachari

Headline 19.01.09
Buso me jhapat mari kya kare swari !
Postmortem :
Arey yaar police ki bhi to samjho lachari,
unse jo leti hai hafta vohi to pad jata hai bhari !

Kal ho na ho

Headline 19.01.09
Jab khas se aam ban gaye apne PM !
Postmortem :
Acha hai abhi se adat dal lo, kya pata kal
yeh kursi ho na ho !

Rajniti me kismat

Headline 19.01.09
Vidhayako v nya chehro
ki khul sakti hai kismat !
Postmortem :
Isme naya kya hai bhai aj kal to log
kismat chamkane ke liye hi to rajniti
me ate hai, desh bhakti kis chidiya ka
naam hia kaun jaanta hai !

Pak se umeedein

Headline 18.01.09
Atankio par karyvahi me hi
pak ki bhalai hai : PM
Postmortem :
Pak se kisi bhi kisam ki akalmandi ki
umeed karna hi sabse badi bevkoofi hai !

Jadu ki jhappi

Headline 18.01.09
Munna bhai aye, jadu ki jhappi laye !
Postmortem :
Arey munna bhai jadu ki jhappi filmo
me hi chalti hai, rajniti me to jhappi
dene wale ki peeth me hi chura ghompa
jata hai !

Mahavir enclave

Headline 18.01.09
Mahavir enclave ko milega meetha pani !
Postmortem :
Mahavir enclave ko hi kyun bhai, baki ilako
ne kya gunah kiya hai ?

Sabooto me dum

Headline 18.01.09
Pakistan ko dikha sabooto me dum !
Postmortem :
Acha hua jo unhe dikh gaya,
varna to unhe hame apna dum
dikhana padta !

Non taxpayers

Headline 17.01.09
Suar aur gadhey par nahi lagega tax !
Postmortem :
Aur jin par tax lagta hai vo na de to ?
unko kis category me dalenge aap ?

Miyan ke kharatey

Headline 17.01.09
Miyan kharatey bharey to
machine lagaiye !
Postmortem :
Aur agar machine bhi fail ho jaye
to fir miyan hi badal dalna kyun
ki uske baad aur koi chara nahi
hoga !

Nepal ke halaat

Headline 17.01.09
Nepal ke halaat se Bharat chintit !
Postmortem :
Pehle apne yahan ke halaat ki chinta
to kar lo, unhe to theek kar lo fir auro
ki chinta bhi kar lena !

Jadh tak hogi jaanch

Headline 17.01.09
Jadh tak hogi jaanch !
Postmortem :
Aur yeh jadhein kahan tak felli
hui hai, ara is baat par bhi jaanch
kar lena !

MCD ka serve

Headline 16.01.09
Safai karmio ke liye serve karegi MCD !
Postmortem :
Aur serve ka mudda hoga ki kaun se ilake
me kitni aamdani ho sakti hai, taki usi hisab
se unse vasooli ki ja sake !

Maya ka janam din

Headline 16.01.09
Maya ka janam din :
Birth day jo happy nahi raha !
Postmortem :
Lagta hai madam ko jitni umeed
thi utne tohfe nahi mile honge !

Bollywood me parivartan

Headline 16.01.09
Bollywood me aya hai parivartan !
Postmortem :
Parivartan to sahi me aya hai bhai,
pehle pariwar ke sath film dekhne jate they
aur band kamre me akele dekhte hai !

Pak ka chehra

Headline 16.01.09
Bhartiya netao ke byan
durbhagya purn : Pakistan !
Postmortem :
Kyun janab, unke byano me apko
apna chehra nazar ata hai kya ?

Bharat ki sahanshakti

Headline 15.01.09
Varta jari rakhe Bharat : Sharif
Postmortem :
Sahi farmaya sharif saheb,
hum varta jari rakhe aur aap
Mumbai jaise kaand anjam
dete rahe, apko hamare sar
par seeng nazar ate hai kya ?

Delhi ki jhalak

Headline 15.01.09
Parade me nahi hogi Delhi ki jhanki !
Postmortem :
Parade me jhanki ho ya na ho, kya farak
padta hai, Delhi ki jhalak to har roz subah
uthte hi akhbaro me dekhne aur padne ko
mil jati hai yeh kya kam hai !

Bikau hai whitehouse

Headline 15.01.09
Bikau hai whitehouse !
Postmortem :
Isi liye to kehte hai bhaiya
ki apne karam theek rakho
varna sab kch bik jata hai !

Pak ko Americi tohfa

Headline 15.01.09
Pak ko Americi tohfa
milegi tiguni madad !
Postmortem :
Aur is madad se vo
teen guna hi atankwadi
paida kar denge, iska sahi
istmaal to vo karne se rahe !

Pakistan ki mugli ghutti

Headline 14.01.09
Mumbai hamlo ke peechey
Pakistani machinery nahi : Britain
Postmortem :
Kyun sir Pakistan ne aisi kaun si
mugli ghutti pila di jo sachai hi apko
nazar nahi aa rahi !

Khabaria chanel

Headline 14.01.09
Khabaria chanel par
lagaam lagayegi sarkar !
Postmortem :
Aur chanel wale is khabar ko
bhi bade andaz ke sath, chat-pate
dhang se pesh kar denge !

Ghotale aur rajniti

Headline 14.01.09
Satyam ghotale ne liya rajnitik mod !
Postmortem :
Ghotale me rajniti ya rajniti me ghotala,
ek hi baat hai kyun ki ghotale aur rajniti
ka to choli daaman ka sath hai !

Garibo ke liye

Headline 14.01.09
Garibo ke liye swasthya sewa mazbut hogi !
Postmortem :
Aur is mazbut sewa ka fayeda jo uthayenge
vo kitne garib honge zara is baat ka bhi pata
laga lena !

Manyeta ko Manyeta

Headline 14.01.09
Dutt pariwar ki bahu nahi manyeta : Priya !
Postmortem :
Apke kehne se kya hota hai madam,
jab miyan bivi razi to kya karega kazi !

Polythin bhool jao

Headline 14.01.09
Polythin bhool jao !
Postmortem :
Jin halaat me se hum
guzar rahe hai, unme
to na jane hume kya-kya
bhoolna padega !

Bharat se mukabla

Headline 13.01.09
Bharat se mukable ki takat nahi !
Postmortem :
Arey wah batein to badi samajhdari
ki karte ho, lekin fir bhi pange lene
se nahi darte ho !

Sachitra chetawani

Headline 13.01.09
Cigrett packeto par
sachitra chetawani ka mamla tala !
Postmortem :
Arey acha hua jo tal gaya, nahi to kal
ko condom wale bhi kuch aisa hi mamla
le kar aa jate to ?

Trafic ke challan

Headline 13.01.09
Trafic police ka abhiyan,
hue 2924 challan !
Postmortem :
Aur upar se kitna maal
banaya, lage hatho iska bhi
hisab de dete sriman !

Mamla bijli chori ka

Headline 13.01.09
Bijli chori me 9 log dharey !
Postmortem :
Chori karte hue to 9 log hi
mile hai, zara apne vibhag
me bhi jaanch kar lete to vahan
19 milte chori karwate hue !

Bush ki lokpriyata

Headline 13.01.09
America me na sahi,
Bharat me kafi lokpriya hu : Bush
Postmortem :
Lokpriya to aap honge hi kyun ki
Bhartiyon ko Monick bhabhi ki
kafi yaad jo ati hai !

Bacho ka moh

Headline 12.01.09
Bharat ko nahi soumpenge
apne nagrik !
Postmortem :
Baat bhi sahi hai bhaiya,
apne paida kiye bachey
kaun kise deta hai ?

Bijli ki killat

Headline 12.01.09
Sardi me bijli ki killat barkarar !
Postmortem :
Sardi me agar yeh hal hai to garmi
me kya hoga mere yaar,
kabhi is par bhi kiya hai vichar ?

Mata-pita divas

Headline 12.01.09
Mata-pita divas manaya !
Postmortem :
Wah ri teri maya,
aaj mata-pita divas manaya,
Aur agle hi din unhe bahar
ka rasta dikhaya,
Dhanya hai inki kaya !

Police ki parampara

Headline 12.01.09
DDA ghotala :
Kash 2 maah pehle chet jati plice !
Postmortem :
Arey aap bhi kamaal karte hai,
police apni parampara kaise tod de,
filme ho ya hakikat police kabhi bhi
sahi waqt par pahunchi hai kya ?

Hadtal ka asar

Headline 11.01.09
Gramin bank karmi paidal ayenge Delhi !
Postmortem :
Agar yeh hadtal yu hi chalti rahi aur
hadtal ke chalte petrol aur diesel ki killat
yu hi rahi to vo din dur nahi jab har shaks
paidal chalta nazar ayega !

8 Din ki remand

Headline 11.01.09
Meena 8 din ki remand par !
Postmortem :
Ab in 8 dino me us se sach ugalvaoge
ya ghotalo ke gur seekhoge !

Truck hadtal jari

Headline 11.01.09
6the din bhi truck hadtal jari !
Postmortem :
Arey bhai inko kya, mari to ja
rahi hai janta bechari !

Satyam board bhang

Headline 10.01.09
Raju ka surrender,
satyam board bhang !
Postmortem :
Sab kuch luta ke hosh me
aye to kya kiya,
kuch ke kapde utrey
to kuch ke ghar jala diya !

Badkismat janta

Headline 10.01.09
Hadtal khatam, dikkat jari !
Postmortem :
Yahi hai badkismati hamari,
is gandi rajniti me, mari jati hai
janta bechari !

Nigahein asmaan me

Headline 09.01.09
Abhi saanso me hai dum,
chunav ladenge hum !
Postmortem :
Janta se bhi puch lo
vo kya kehti hai,
kadam hai kabar ki aur
nigahein asmaan me rehti hai !

Badi nasal ka kharch

Headline 09.01.09
2.5 Crore kharch par
kam nahi hui kutto ki sankhya !
Postmortem :
Rajniti me jo badi nasal ke bethe
hai, is 2.5 crore se to unka bhi
kharch pura nahi hua hoga !

Ghotalo ki report

Headline 09.01.09
DDA ghotala, ab ayegi
24 january ko report !
Postmortem :
Aur report me jinke naam uagar
honge, unko 26 january ko gadhey
par bitha kar inam diya jayega !

Jhatke ko jhatka

Headline 09.01.09
Bijli ko bhi laga
hadtal ka jhatka !
Postmortem :
Jhatke dene wale bhi
jhatke kha rahe hai,
na sur hai na taal hai,
fir bhi gaa rahe hai !

Balika divas

Headline 07.01.09
24 January ko manaya jayega
balika divas !
Postmortem :
Aur 6 january ko 10 darindo ne
jo ek masoom ka gang rap kiya hai
us din ya tarikh ko kya naam denge aap !

Zindagi ki daud

Headline 07.01.09
Jeena hai to daudo bhai !
Postmortem :
Is andhi daud me to sabhi
shamil hai, lekin yeh daud
kahan rukegi, kahan tak daudna
hai yeh koi nahi jaanta !

Shiksha ka mol

Headline 07.01.09
Shiksha se bada koi dhan nahi !
Postmortem :
Aur vidhyarthion ko is dhan ko
paane ke liye kina dhan chukana
padta hai, yeh bhi socha hai kabhi !

2009 ki yojna

Headline 07.01.09
Aise banayein 2009 ki swasthya yojna !
Postmortem :
Har roz Fal aur sabzi ki dukan par ja
kar ek lambi saans lekar unki khushbu
le kar mehsoos karey, kyun ki kharid
to ap sakenge nahi !

Admi ki fitrat

Headline 06.01.09
Purva mantri par sex racket chalane ka arop !
Postmortem :
Arey bhai admi mantri ban jaye ya santri,
purana pesha to nahi bhoola ja sakta na !

Daagdar rajdhani

Headline 06.01.09
Kathin dagar hai rajdhani ko chamkane ki !
Postmortem :
Kathi to hogi hi, daag jo itne lag chuke hai !

Rajniti ka sabak

Headline 06.01.09
DU me tod-fod !
Postmortem :
Arey bhai isey tod-fod mat kaho
Yeh to rajniti naam ka jo vishay
hai uska pehla sabak hai !

Ghotalo ki scheme

Headline 06.01.09
Scheme me nahi hua ghotala : DDA
Postmortem :
Sahi farmaya apne, scheme me ghotala
beshak na hua ho lekin ghotale zarur
scheme ke sath hi hue hai !

Afsar be-nakab

Headline 05.01.09
Ek-Ek avanti ki hogi jaanch !
Postmortem :
Aur is jaanch me kai afsar
honge be-nakab !

Source of energy

Headline 05.01.09
Lallu kahin, Lathi is the source of energy !
Postmortem :
Lallu ji aj kal lathi source of energy hi nahi,
yeh source of income bhi hai, kyun ki sharafat
se to daal-roti bhi naseeb nahi hoti !

Bhaion ka saya

Headline 05.01.09
Na saumpenge, na puchne denge !
Postmortem :
Agar aap jese bhaion ka saya sar par
ho to fir unhe dar kaahe ka ho ?

FBI ke saboot

Headline 05.01.09
Pakistan ne thukraye FBI ke saboot !
Postmortem :
1 :Vo saboot thukrane ki asli vajah to thi
ki pakistan ko un sabooto me apna hi
chehra nazar aa raha tha !
2 : Pakistan ne kya soch kar sabooto ko
thukra diya, ki thukrae se saboot unke
haq me ho jayenge !

Abla teri yahi kahani

Headline 05.01.09
Izzat ki keemat 21 hazar !
Postmortem :
Hi ri abla teri yahi kahani,
anchal me hai dudh,
ankho me pani !

5 ke sath 1 roshan

Headline 03.01.09
Ek bujhe chirag se 5 ghar roshan !
Postmortem :
Kaun kehta ai vo bujha chirag tha,
jisne 5 ghar roshan kiye ho vo khud
to bhuj hi nahi sakta, jab tak vo 5 ghar
roshan rahenge unki roshani me yeh
aur bhi roshan rahega !

Atankio ki sankhya

Headline 03.01.09
Atankio se karein apni betio ki shaadi !
Postmortem :
Atankio ki sankhya badhane ke liye
aur koi upaye nahi mila tha kya ?

Barkhast ki bari

Headline 03.01.09
74 Policekarmi daagdar, 123 barkhast !
Postmortem :
Bhai 74 ka to samajh aa gaya, lekin baki
ke 49 ko shokia barkhast kiya kya ?

Neta ki nautanki

Headline 03.01.09
Auraya kaand :
Vidhayak ne jurm kabula !
Postmortem :
Lekin inko dekh kar to aisa
lagta hai jaise Janta se hath
jod kar kh rahe ho ki dekho
mene kitna acha kaam kiya
hai isliye agli dafa bhi vote
mujhe hi dena !

College mein garden

Headline 02.01.09
DU ke har college me hoga
herbal garden !
Postmortem :
Acha hai ab ladke - ladkion ko
budha garden ya lodhi garden
nahi jana padega !

Taj ki suraksha

Headline 02.01.09
Bas 50 rupay me laangh
sakte hai Taj ki suraksha !
Postmortem :
Sab jaante hai nki aukat 50 ki
hai, fir apne mooh se keh kar apni
izzat ka faluda kyun karte ho !

Fikar kam zikar zyada

Headline 02.01.09
Blueline : Harshvardhan
ne jatai chinta !
Postmortem :
Fikar ka zikar karte ho,
hal dhoondane se darte ho,
roz koi na koi mar raha hai,
aap neta hone ka dam bharte ho !

Sealing par upaye

Headline 02.01.09
Sealing par sathai upaye ki maang !
Postmortem :
Arey itna bhi nahi samajhte agar
sathai upaye chahiye to chup-chap
mahina baandh lo !

Andheypan ki vajah

Headline 02.01.09
Motiabind ke kaaran
zyadatar log hue andhey !
Postmortem :
Motiabind se itne andhey nahi
hotey, jitne daulat aur shohrat ke
nashe me hote hai !

Janta ke darbar me

Headline 02.01.09
Nitish karte rahe uthak-bethak !
Postmortem :
1 : Ab is umar me itni uthak-bethak
sehat ke liye achi nahi sir !
2 : Abhi to janta badhai de rahi thi to
yeh haal tha, zara sochiye agar jant
naraz ho gai to kya haal karegi !

Bhagwan ek hai

Headline 02.01.09
Pashupathi nath mandir me
Bhartiye hi karenge puja !
Postmortem :
Jab bhagwan sab ek hai, unme
koi antar nahi hai to ham insano
me me antar kyun rakhte hai !

Tanaav ki vajah

Headline 02.01.09
Tanaav kam karein Bharat-Pak !
Postmortem :
Tanaav to tabhi kam ho sakta hai
jab Pak apni harkato se baaz aa jaye !

Sealing rahegi seal

Headline 01.01.09
Sealing rahegi seal !
Postmortem :
Feeling karegi feel,
dealing karegi deal,
bhrashtachar aur ntagiri
in sabko jayegi leel !

Dva-Daru

Headline 01.01.09
Delhi sarkar bechegi dva !
Postmortem :
Daru ko to yeh pehle hi badhava
de chukey hai, ab dva bech kar
yeh "dva-daru" wali kahawat ko
pura karenge !

Tanka-jhanki kese hogi

Headline 01.01.09
Bevajah horn bjane wale aj savdhan !
Postmortem :
Arey bhi horn to kisi ka dhyan apni aur
kheenchne ke liya bajatey hai, is par bhi
ban laga doge to tanka-jhanki kese hogi ?

Bajat ya lekhanudan

Headline 01.01.09
2009 ka swal : Bajat ya lekhanudan !
Postmortem :
Bajat aur lekhanudan to hai baad ke kaam,
pehle mita ke atankwad ko dedo sabko araam !

Hi-tech hogi police

Headline 01.01.09
Hi-tech hogi police !
Postmortem :
Hi-tech ke naam par inke rate
zarur badh jayenge, lekin inka
hona-vona kuch nahi !

Kasab se salook

Headline 01.01.09
Kasab se kya salook kiya jaye !
Postmortem :
Hona to uske sath bahut kuch chahiye,
lekin aap apne girebaan me jhaank ke
dekhein ki aap kya kar sakte hai ?