Rajnitik sach

Headline 13.02.09
Atankwadi arthvayvastha
par chot karna chahtey hai : Pranav
Postmortem :
Atankwadi hame jitni bhi chot pahuncha
le lekin aap ka vartav vohi rahega, aap
unhe pakadenge, jail me unki sewa karenge,
unko vakil diya jayega, un par paisa aur
samay dono lagayenge, kam se kam
agle 10 saalo tak jab tak unke mukadamo
ka faisla nahi ho jata, tab tak unko palenge,
aur baad me fir koi hamara havai jahaz hi-jack
ho jayega to unhe ba-izzat chod ayenge !

Satta ka nasha

Headline 13.02.09
Satta mili to 100 din me
arthvayvastha patri par !
Postmortem :
Agar satta mil gai to aap
kya samajhtey hai 100
dino me satta ka nasha
utar jayega jo aap kaam
par bhi dhyan dene lagenge ?

Croro ki bazi

Headline 04.02.09
Ball aur balley par croro ki bazi !
Postmortem :
Aur balla agar apke hath me ho
madam to us par arbo lagne me
bhi der nahi lagegi !

Apni-Apni raah

Headline 04.02.09
Police karmi ke bete nikle chor !
Postmortem :
Jab doctor ka beta doctor aur judge
ka beta judge bane yeh zaruri nahi to
police ka beta bhi sahi nikle yeh bhi
to zaruri nahi hazoor !

Bhagwan ka insaf

Headline 02.02.09
Bollywood filmo ke financer ko saza !
Postmortem :
Bhagwan to sabka hai na, Jab aisi-aisi
filme bana ke janta ko saza de sakte ho to
aap kaise saza se bach sakte ho !

Apno ki gadari

Headline 02.02.09
Apno ne hi kiya masoomo se dushkaram !
Postmortem :
Jab apne hi gadari par utar ayein to gero
se kya umeed karein !

Padosi dharam

Headline 02.02.09
Aisa halla kata, ki padosi police bula laye !
Postmortem :
Aisa to hona hi tha, jab padosion ko nahi
bulaoge to unse aur umeed bhi kya kar
sakte ho !

Netaon ki chaal

Headlne 01.02.09
Sard hawaon ne kiya logo ko behaal !
Postmortem :
Is se bhi zyada bigri hai hamare
neton ki chaal, jiski vajah se hai
yeh haal, aur aisa tab talak chalta
rahega, jab tak in bhrasht netao
ka sikka chalegha !
Agar bharat ka chahte ho bhala,
to deta hu ik nek salah,
utha bahar karo in bhrasht netaon
ko, varna kya kahoge ane wali pidion ko !

Netaon ki kabliyat

Headline 01.02.09
Abhi khul saktey hai
kai badey ghotale !
Postmortem :
Sahi kaha apne abhi
hamare in hon haar
netaon ne apni puri
kabliyat dikhai hi kahan
hai abhi to bahut kuch
dekhna baki hai !

Sardi me pasine

Headline 01.02.09
Bas itni ganimat hai ki
sardi me pasine nahi chutey !
Postmortem :
Mehngai aur bhrashtachar yu hi
badtey gaye to pasine hi nahi aur
bhi bahut kuch choot jayega !