Samlengikta

Headlne 28.06.09
Ab apradh nahi rahegi smlengikta !
Postmortem :
Mubarak ho, shukar manaiye,
badti abadi ko rokne ka is se acha
sujhav nahi ho sakta tha !

Bhagwan bharose

Headline 28.06.09
Rajdhani me bijli-pani
ab bhagwan bharose !
Postmortem :
kya kha, sirf bijli-pani ?
to aap kya samajhte hai
hindustan ki hakumat
kiske bharose chal rahi hai ?

Janta kahan mrey

Headline 24.06.09
Rakshak bne Bhakshak :
Postmortem :
Jab rakshak bne bhakshak, sarkar ho bekar,
afsar khaye ghoos, aur neta ho manhoos,
to janta kahan mrey..........
Jab mehngai ki ho maar, mcha ho ha-hakaar,
padhe likho ke sar pe, jab anpadh ho swar,
to janta kahan mrey..........
Na bijli hai na pani, kehlati fir bhi rajdhani,
neta karein manmani, mano desh bechne ki ho thani,
to janta kahan mrey..........
Daal me kankar, dudh me zehar, dva bhi ho zehrili,
lagta hai jese baimani inhe, virasat me ho mili,
to janta kahan mrey..........
Police bajaye lathian, aur chor machaye shore,
bharashtachar ke agey, jab chale na koi zor,
to janta kahan mrey..........
Aaj dharam ke naam par, pakhandi bne avtar,
na mandiro ki chinta, na bhakto se sarokar,
to janta kahan mrey..........

Gadho ko shiksha

Headline 17.06.09
Manmohan ne li Zardari ki class !
Postmortem :
Manmohan ji itni umar ho gai,
abhi tak itna nahi samajh apye
gadho ki jitni bhi class lelo, jitna
bhi unko padha lo, rehtey to vo
gadhey hi hai, insan nahi ban saktey !

Bipasha aur Malika

Headline 17.06.09
Bipasha ke liye naachey,
malika ke liye gaya !
Postmortem :
Arey bhai Bipasha aur Malika
ke liye to log na jane kya kuch
kar jate hai, tum zara sa naach
gana kar ke hi itra rahe ho !

Mandi ki kamai

Headline 17.06.09
America se lautey 4 chatr
swine flu ki chapet me.
Postmortem :
Kyun bhai is mandi ke daur
me aur kuch nahi mila to yahi
swine flu hi le aye !

Mn ka meil

Headline 17.06.09
1200 Crore kharch par ganga meli.
Postmortem :
Ganga ko saaf karne se pehle mn ka
saaf hona zaruri tha, mn saaf hote to
ganga bhi saaf ho jati, 1200 crore ka
naam sunte hi mn me to meil bhar gaya
hoga, ganga kahan se saaf hoti !